రావి కొండలరావు కన్నుమూత

ఆరు దశాబ్దాల ప్రయాణంలో నటుడిగా, రచయితగా, పాత్రికేయుడిగా.. ప్రతి విభాగంలో తనదైన ప్రతిభాపాటవాలతో రాణించారు రావికొండలరావు. విలక్షణ నటనతో ప్రేక్షకుల్ని మెప్పించారు. ఎన్టీఆర్‌, ఏఎన్నాఆర్‌ మొదలుకొని నేటితరం తారల వరకు ప్రతి ఒక్కరితో చక్కటి స్నేహసంభందాల్ని కొనసాగించారు రావికొండలరావు. చిత్రసీమలో నాటితరానికి నేడుకు ఓ వారధిగా వ్యవహరించారాయన. నాటి సినీ విశేషాల్ని నేటి తరం వారికి పరిచయం చేసిన గొప్ప సినీ విశ్లేషకుడిగా పేరుగాంచిన రావికొండలరావు మరణంతో చిత్రసీమ ప్రతిభావంతుడిని కోల్పోయినట్లయింది.

సీఎం కేసీఆర్‌ సంతాపం

ప్రముఖ సీనియర్‌ నటుడు, రచయిత రావి కొండలరావు మృతి పట్ల ముఖ్యమంత్రి కే చంద్రశేఖరరావు సంతాపం తెలిపారు. సీని రంగంలో ఆయన విశేషసేవలందించారని పేర్కొన్నారు. ఆయన కుటుంబ సభ్యులకు ప్రగాఢ సానుభూతి తెలిపారు.