Built your Own

റേസ്, ഡൈനാമിക് എന്നീ രണ്ടു കിറ്റുകളിൽ ആർആർ 310 ഓർഡർ ചെയ്യാം.

- നോബിൾ

പുതിയൊരു സ്പോർട്സ് ബൈക്ക് വാങ്ങിയ ശേഷം അതു ചെറുതായി മോഡിഫൈ ചെയ്യാൻ ആഗ്രഹിക്കുന്നവരാണ് ചെറുപ്പക്കാരിൽ ഏറെയും. മോട്ടോ ജിപി ഗ്രാഫിക്സും റേസ് കിറ്റും പെർഫോമൻസ് സൈലൻസറുമൊക്കെ വിപണിയിൽ ലഭ്യവുമാണ്. പക്ഷേ, അതെല്ലാം വാങ്ങി പിടിപ്പിച്ചാൽ പിടി വീഴുമെന്നതിൽ തർക്കമില്ല. കാരണം, എക്സ്ട്രാ ഫിറ്റിങ്ങിനു നിയമം അനുവദിക്കുന്നില്ല. എന്നാൽ പിന്നെ വാഹന നിർമാതാക്കൾക്കു തന്നെ ഇത് ഇറക്കിയാലെന്താ എന്നൊരു ചോദ്യം ബൈക്കേഴ്സിനിടയിലുണ്ട്. അപ്പോൾ അതു വാങ്ങി ഉപയോഗിക്കാമല്ലോ!

ടിവിഎസ് തങ്ങളുടെ സ്പോർട്സ് ബൈക്കായ ആർആർ 310 വാങ്ങുന്നവർക്ക് മോഡിഫിക്കേഷനുള്ള അവസരം നൽകുകയാണ്, ബിടിഒ എന്ന സംവിധാനത്തിലൂടെ.

ബിടിഒ

 റേസ്, ഡൈനാമിക് എന്നിങ്ങനെ  രണ്ടു കിറ്റുകളാണു ബിടിഒ പ്രോഗ്രാമിലുള്ളത്. ഇതിൽ ഏതെങ്കിലും ഓരോന്നു വീതമോ അല്ലെങ്കിൽ രണ്ടും ഒരുമിച്ചോ ഓർഡർ ചെയ്യാം. ആർആർ310 ന്റെ ഔദ്യോഗിക ഓൺലൈൻ പേജിലാണ് ബിടിഒ സ്പോർട്ടിയായ റൈഡിങ് പ്രോഗ്രാമുള്ളത്. ടിവിഎസ് അറൈവ് (ARRIVE) മൊബൈൽ ആപ്ലിക്കേഷനിലും ഇതു ലഭ്യമാകും.