മാസ് ലുക്കിൽ കർവ്

കർവ് എസ്യുവി കൂപെ നിരത്തിലേക്ക്...

മാസ് ലുക്കും ഐസിഇ, ഇവി വകഭേദങ്ങളുമായി ടാറ്റയുടെ എവി കൂപെ കർവ് വിപണിയിലേക്കെത്തുകയാണ്. 2022 ഏപ്രിലിലാണ് കർവ് ഇലക്ട്രിക് ഒരു കൺസപ്റ്റ് വാഹനമായി ടാറ്റ ആദ്യം പ്രദർശിപ്പിക്കുന്നത്. പിന്നീട് 2023 ജനുവരിയിൽ ഐസിഇ മോഡലിനെയും അവതരിപ്പിച്ചു.

ഡിസൈൻ

നെക്സോണിനെ അടിസ്ഥാനമാക്കിയുള്ള വാഹനമാണ് കർവ്. അതുകൊണ്ടുതന്നെ ടാറ്റ നെക്സോണിന്റെ പല സവിശേഷതകളും കർവിലും കാണാനാവും. കർവിന്റെ ഐസിഇ, ഇവി മോഡലുകളിൽ വ്യത്യാസങ്ങളുണ്ട്. ടാറ്റ പഞ്ച് ഇവിയിലേതുപോലെ മുന്നിലാണ് ചാർജിങ് സംവിധാനം. ഐസിഇ മോഡലിലും ഇവിയിലും ട്രയാംഗുലർ ഹെറ്റുകളാണ് നൽകിയിരിക്കുന്നത്. അതേസമയം ബംപറിലും ഗ്രില്ലിലും മാറ്റങ്ങളുണ്ട്. ഡിആർഎൽ കാറിന്റെ വീതിക്കൊപ്പമാണ്.