വിശ്വാസത്തെ വിലമതിക്കുന്ന സംരംഭകൻ Dr.A.V. ANOOP

ലോകമെമ്പാടുമുള്ള ജനങ്ങൾക്ക്, വൈവിധ്യമേഖലകളിൽ ഉയർന്ന നിലവാരത്തിലുള്ള ഉൽപ്പന്ന ങ്ങളോടൊപ്പം സേവനങ്ങളും നൽകുന്നതിൽ താൽപര്യമുള്ള ഒരു സമ്പൂർണ്ണ ബിസിനസ്സുകാരൻ, സാമൂഹികപ്രവർത്തകൻ, കലാകാരൻ, സർവ്വോപരി തികഞ്ഞ മനുഷ്യസ്നേഹി. ആയൂർവേദത്തെ ലോകജനതയ്ക്ക് മുന്നിൽ എത്തിക്കാൻ അക്ഷീണം പ്രവർത്തിച്ച് വിജയം നേടിയ എവിഎ ഗ്രൂപ്പിന്റെ മാനേജിംഗ് ഡയറക്ടർ ഡോ.എ.വി അനൂപുമായി യൂണിംസ് സബ് എഡിറ്റർ ഷീജാ നായർ നടത്തിയ അഭിമുഖം.

താങ്കളുടെയുള്ളിൽ ഒരു സംരഭകൻ ഉണ്ടെന്നുള്ളത് എപ്പോഴാണ് തിരിച്ചറിയുന്നത് ? അതെങ്ങനെയായിരുന്നു ?

ഞാൻ കോളേജിൽ പഠിക്കുന്ന കാലത്താണ് എന്റെ അച്ഛന്റെ ആകസ്മികമരണം സംഭവിക്കു ന്നത്. എന്നെ ഒരു സർക്കാരുദ്യോഗസ്ഥനാക്കാ നായിരുന്നു അച്ഛൻ ആഗ്രഹിച്ചത്. ആ ലക്ഷ്യം മുന്നിൽക്കണ്ടുകൊണ്ടാണ് ഞാനും പഠിച്ചിരുന്ന ത്. അച്ഛന്റെ വിയോഗത്തോടെ കുടുംബത്തിൽ പ്രാരാബ്ധം ഉണ്ടായപ്പോൾ കുറച്ചുനാൾ എനിക്ക് ടാക്സി ഓടിക്കേണ്ടതായി വന്നിട്ടുണ്ട്. പഠന ത്തോടൊപ്പം ഈ സാഹചര്യം വളർത്തി ഒരു ട്രാവൽ ഏജൻസി ബിസിനസ്സാക്കി മാറ്റി. ആ സാഹചര്യത്തിലാണ് എനിക്ക് ബിസിനസ്സ് വഴങ്ങുമെന്ന് ഞാൻ മനസ്സിലാക്കുന്നത്.

സംരംഭകൻ, സാമൂഹിക പ്രവർത്തകൻ, സിനിമാനിർമ്മാതാവ്, അഭിനേതാവ് എന്നീ പ്രവർത്തനമേഖലകൾ എങ്ങനെ യാണ് സമന്വയിപ്പിച്ചുകൊണ്ട് പോകുന്നത്? ഇതിൽ ഏറ്റവും ഇഷ്ടപ്പെട്ട വേഷം ഏതാണ്? ഈ റോളുകളിൽ ഏറ്റവും ഇഷ്ടപ്പെട്ടത്

എന്നൊന്നില്ല. എല്ലാം ആസ്വദിച്ച് ചെയ്യുന്നയാ ളാണ് ഞാൻ. സമൂഹത്തിൽ നൻമ ചെയ്തിട്ടുള്ള ഒരു നല്ല മനുഷ്യൻ എന്ന രീതിയിൽ മാത്രമേ ഭാവിയിൽ എന്നെ ആളുകൾ ഓർത്തിരിക്കേ ണ്ടതുള്ളൂ എന്ന് ഞാൻ എപ്പോഴും പറയാറുണ്ട്. അങ്ങനെ അറിയപ്പെടാനാണ് എന്റെ ആഗ്രഹ വും താത്പര്യവും. ഒരു രംഗത്തും ഞാൻ ഒന്നാം സ്ഥാനത്തല്ല. പ്രത്യേകിച്ച് ഒരു രംഗത്ത് മികച്ചതാകാൻ എനിക്ക് പ്രത്യേക ആഗ്രഹവുമില്ല. എനിക്ക് സാധിക്കുന്ന കാര്യങ്ങൾ എല്ലാ രംഗത്തും ആത്മാർഥതയോടെ ചെയ്യുന്ന ഒരാളാണ് ഞാൻ.

മെഡിമിക്സ് അതിന്റെ 53 വർഷങ്ങൾ പൂർത്തിയാക്കിയിരിക്കുകയാണ്. ഇക്കഴിഞ്ഞ വർഷങ്ങളിലെ മെഡിമിക്സിന്റെ വളർച്ച എങ്ങനെയായിരുന്നു?