വിസ്മയക്കാഴ്ച്ചയൊരുക്കി മഹാബലിപുരത്തെ "കൃഷ്ണന്റെ വെണ്ണപ്പന്ത്

പലഭാഗങ്ങളിൽനിന്നു നോക്കുമ്പോൾ ഈ പാറക്കഷ ണത്തിനു വ്യത്യസ്തമായ ആകൃതിയാണ്. ചരിഞ്ഞുകിടക്കുന്ന പാറക്കെട്ടിന്റെ നേരെ താഴെനിന്ന് നോക്കിയാലത് ഗോളാകൃതിയിൽ കാണുന്നു. ഇടതുഭാഗത്തു ചെന്നു നോക്കിയാൽ ഉന്നക്കായയുടെ ആകൃതിയിലായിരിക്കും. ചരിവിന്റെ മുകളിൽ വലതു ഭാഗത്തുനിന്നു നോക്കിയാൽ മുറിഞ്ഞു കിടക്കുന്നൊരു തള്ള വിരൽ പോലെ തോന്നും.

- മിനി മോഹനൻ

ചെന്നൈയിൽ നിന്ന് 60 കിലോമീറ്റർ അകലെയുള്ള ഒരു പട്ടണമാണ് ഇന്ന് മാമ്മല്ലപുരം എന്നറിയപ്പെടുന്ന മഹാബലിപുരം. തമിഴ് നാട്ടിലെ ചെങ്കൽപട്ടുജില്ല (പഴയ കാഞ്ചീപുരം ജില്ലയിലെ ഒരു തീരദേശപട്ട ണമാണ്. ബംഗാൾ ഉൾക്കടലിലെ തീരത്തെ ഈ കൊച്ചുപട്ടണം വിസ്മയകരമായ വാസ്തുഭംഗിയുള്ള പുരാതനക്ഷേത്രങ്ങളാലും മറ്റു ശിലാനിർമ്മിതികളാലും സമ്പന്നമാ ണ്. മനുഷ്യനിർമ്മിതമായ ശിലാ ത്ഭുതങ്ങളെക്കാളുപരിയായി നമ്മേ അമ്പരപ്പിക്കുന്നൊരു പ്രകൃതിവിസ്മയമുണ്ടിവിടെ. അതാണ് 'കൃഷ്ണന്റെ വെണ്ണപ്പന്ത്' എന്ന ഓമനപ്പേരിലുള്ള ഒരു വലിയ ശിലാഖണ്ഡം.