ఫారెస్ట్ లైబ్రరీ

పై నా ఉడుతకి ఒకే ఒక కల ఉంది. చంపకవనంలో ఒక పెద్ద గ్రంథాలయం తెరవాలి అనుకుంది. ఆమె పుస్తకాలను ప్రేమిస్తుంది. చాలా వాటిని చదివింది. ఇతర జంతువులకు కూడా పుస్తకాలు చదవమని సలహా ఇస్తుంది.

-  లలిత్ శౌర్య

పై నా ఉడుతకి ఒకే ఒక కల ఉంది. చంపకవనంలో ఒక పెద్ద గ్రంథాలయం తెరవాలి అనుకుంది. ఆమె పుస్తకాలను ప్రేమిస్తుంది. చాలా వాటిని చదివింది. ఇతర జంతువులకు కూడా పుస్తకాలు చదవమని సలహా ఇస్తుంది.

కానీ ఎన్ని ప్రయత్నాలు చేసినా కూడా కల నెరవేరడం లేదు. ఆమెకు బాధగా ఉంది. ఆనందవనం మహారాజు షేరూ గ్రంథాలయం తెరవడానికి ఆసక్తి చూపలేదు. అతడు గ్రంథాలయం కోసం ఖర్చు చేయడం తెలివితక్కువ పని అనుకున్నాడు. అందుకే షైనా ఏ పని చేయడానికి ప్రేరణ పొందలేదు. ఆమె స్నేహితుడు ఎగ్గీ ఏనుగు ఈ విషయాన్ని తెలుసుకున్నాడు.

ఒక రోజు ఎగ్గీ షైనాతో “ఏమైంది షైనా, నువ్వు ఈమధ్య చాలా విచారంగా, కలత చెందినట్లు కనిపిస్తున్నావు. ఒకప్పటిలాగా ఎగురుతూ, గంతులు వేస్తూ జీవితాన్ని ఆస్వాదించడం లేదు. ఏదైనా సమస్య ఉందా? అనారోగ్యంగా ఉందా? ఎవరైనా నీతో ఏమైనా అన్నారా?” అడిగాడు.

“లేదు, లేదు. అలాంటిదేమీ లేదు. నేను బాగున్నాను” షైనా ఇబ్బందిగా నవ్వుతూ చెప్పింది.

“నువ్వు ఇంతకుముందు ఎప్పుడూ ఇలా మాట్లాడలేదు. ఏం తప్పు జరిగిందో చెప్పు. నేను నీ స్నేహితుడిని. నాకు కాకపోతే ఎవరికి చెబుతావు?” ఎగ్గీ ఒత్తిడి చేసాడు.

“నాకు పుస్తకాలంటే ఎంత ఇష్టమో నీకు తెలుసు. నా కల గురించి కూడా నీకు తెలిసే ఉంటుంది. నాకు ఆనందవనంలో ఒక గ్రంథాలయం తెరవాలని ఉంది. ఎన్నోసార్లు ప్రయత్నం చేసాను. షేరూ మహారాజుకి విజ్ఞప్తి చేసాను. కానీ అతడు నా మాట వినలేదు. నాకు సహాయం చేయడానికి ఎవరూ సిద్ధంగా లేరు” అని చెప్పింది షైనా విచారంగా.