రాఖీ కానుక

గత 3 రోజులుగా ఎడతెరపి లేకుండా వర్షాలు కురుస్తూ ఉండటంతో సోనూ ఆడుకోవడానికి బయటికి వెళ్లలేకపోయాడు. ఆ రోజు వర్షం ఆగినప్పుడు చాలా సంతోషించాడు.

- వందనా గుప్తా

గత 3 రోజులుగా ఎడతెరపి లేకుండా వర్షాలు కురుస్తూ ఉండటంతో సోనూ ఆడుకోవడానికి బయటికి వెళ్లలేకపోయాడు. ఆ రోజు వర్షం ఆగినప్పుడు చాలా సంతోషించాడు.

“మమ్మీ, నేను స్నేహితులతో ఆడుకోవడానికి బయటకు వెళుతున్నాను" అని చెప్పాడు సోనూ వాళ్లమ్మకు.

అతడు బయటికి వెళుతుండగానే తల్లి అతనికి ఒక కవరు ఇచ్చి “సోనూ, నువ్వు ప్లే గ్రౌండ్కి వెళ్లే ముందు ఈ కవరు పోస్ట్ చేయి” అని చెప్పింది.

“కానీ మమ్మీ, నియరెస్ట్ పోస్ట్ బాక్స్ చాలా దూరంగా ఉంది. నేను వర్షం రాకముందే నా స్నేహితులతో ఆడుకోవాలనుకుంటున్నాను. నేను కవరు రేపు పోస్ట్ చేస్తాను" చెప్పాడు సోనూ.

“రక్షా బంధనికి ఇంకా 6 రోజులు మాత్రమే ఉంది. ఈ కవరులో మా అన్నయ్య కోసం రాఖీ పెట్టాను.

ఈ రోజు పోస్ట్ చేయకపోతే అది చేరుకోవడం ఆలస్యమవుతుంది".

“నువ్వు సైకిల్పై వెళ్లు 20 నిమిషాల్లో చేరుకుంటావు" అంది వాళ్లమ్మ.

గత సోనూ అన్యమనస్కంగానే కవరు తీసుకుని బయలుదేరాడు. 10 నిమిషాల తర్వాత అతడు తిరిగి వచ్చి సైకిల్ స్టాండ్ వేసాడు.

"నేను ఇప్పుడు ఆడుకోవడానికి వెళుతున్నాను మమ్మీ” అని చెప్పి బయటికి వెళ్లసాగాడు.

“నువ్వు చాలా తొందరగా తిరిగి వచ్చావు.

కవరును పోస్ట్ బాక్స్ వేసావా?” అక్కయ్య సంజూ ఆశ్చర్యపోతూ అడిగింది.

“అవును. నేను సైకిల్ వేగంగా తొక్కాను.

అందుకే తొందరగా తిరిగి వచ్చాను” సోనూ జవాబు ఇచ్చాడు.

“ఆ పోస్ట్ బాక్స్ చాలా దూరంలో ఉంది. నువ్వు ఇంత తొందరగా ఎలా తిరిగి వచ్చావు" సంజూ అడిగింది.

“నేను మెయిన్రోడ్ నుంచి వెళ్లలేదు. పార్క్లోని చిన్న దారి నుంచి నేను వెళ్లాను" చెప్పాడు సోనూ.