పరుగు పందెం

 బ్లాకీ ఎలుగుబంటి, జంబో ఏనుగు చంపకవనంలో "ఇనివసించేవారు.

- కుముద్ కుమార్

 బ్లాకీ ఎలుగుబంటి, జంబో ఏనుగు చంపకవనంలో "ఇనివసించేవారు.

ఇద్దరూ ధైర్యవంతులు. ఏదైనా సాధించాలని వారికి ఉంది. కానీ ప్రతి ఒక్కరు వారిని ఎగతాళి చేస్తూ ఉండేవారు. లావుగా ఉండటం వల్ల వారిని అసమర్థులని, సోమరిపోతులని అనుకునే వారు.

తమ సామర్థ్యాన్ని నిరూపించుకోవడానికి తగిన అవకాశం కోసం వారు ఎదురుచూస్తున్నారు. తాము బద్ధకస్తులం లేదా సోమరిపోతులం కామని అందరికీ చూపించాలనుకున్నారు.

చంపకవనం మహారాజు షేరింగ్ క్రీడలపై చాలా ఆసక్తి ఉండేది. అతడు పత్రికలలో, కొన్ని టీవీ ఛానళ్లలో వచ్చిన టోక్యో ఒలింపిక్స్ వార్తలను గమనించాడు. మన వనంలో కూడా ఒలింపిక్స్ లాంటి ఒక పెద్ద స్పోర్ట్స్ ఈవెంట్ జరిపితే బాగుండేది అనుకున్నాడు. పగలు రాత్రి మహారాజు దాని గురించే ఆలోచిస్తూ ఉన్నాడు. ఒక రోజు మహారాజు, తన మంత్రి అయిన జోజో నక్కకి తన మనసులోని మాటను చెప్పాడు.

మహారాజు మాటలు విన్న తర్వాత జోజో “మహారాజా, మన అటవీ నివాసులు ఇప్పటికీ కరోనా

వైరస్ గురించి భయపడుతున్నారు. కాబట్టి మనం ఒలింపిక్స్ లాంటి ఒక పెద్ద స్పోర్ట్స్ ఈవెంట్ నిర్వహించలేము. కానీ ఒక రన్నింగ్ కాంపిటీషన్ లాంటిది నిర్వహించే అవకాశం మాత్రం ఉంది.

ఇందులో ప్రతి ఒక్కరూ పాల్గొనవచ్చు. ఎందుకంటే అడవిలో ప్రతి ఒక్కరూ పరుగెత్తవచ్చు. దీని కోసం ప్రత్యేక ఏర్పాట్లు చేయవలసిన అవసరం లేదు. పెద్ద గుంపును సమీకరించే పని లేదు" అని చెప్పాడు.

"ఏమిటీ? అదెలా జరుగుతుంది?" అడిగాడు మహారాజు ఆశ్చర్యపోతూ.

“ఎందుకంటే మహారాజా, మన పరుగు పందెం ప్రత్యేకంగా ఉంటుంది. ఇది స్టేడియంలో కాదు, అడవిలోని ఎగుడుదిగుడు రోడ్లపై ఉంటుంది.

సరళంగా, చదునుగా ఉన్న రోడ్లపై ఎవరైనా పరుగెత్తగలరు. కానీ నిజమైన, ధైర్యమున్న రన్నర్ ఎగుడుదిగుడుగా ఉన్న రోడ్డుపై పరుగెత్తుతాడు.” “వావ్, మీ తెలివితేటలకు నేను గర్విస్తున్నాను. మీ ఆలోచన ప్రకారం, స్టేడియంలోలాగా జనం ఉండరు.

కానీ క్రీడా పోటీలు నిర్వహించవచ్చు. దీన్ని నిర్వహించే బాధ్యత మీదే.”

జోజో పోటీ నిర్వహించడానికి ప్రణాళికలు తయారు చేయడం మొదలుపెట్టాడు. అతడు క్రీడాశాఖ మంత్రి లంబూ జిరాఫీని కలిసాడు. అతనితో కలిసి వెళ్లి