రంపీ వాలెంటైన్

లిటిల్ రంపీ ఉదయాన్నే స్కూలుకి వెళ్లడానికి 'మమ్మీ కోసం బయట ఎదురు చూస్తున్నాడు.వాళ్లమ్మ రోరో బ్యాగ్ తీసుకుని ప్రతి రోజు అతన్ని స్కూలు దగ్గర దిగబెడుతుంది.

- డా. కె. రాణి

లిటిల్ రంపీ ఉదయాన్నే స్కూలుకి వెళ్లడానికి 'మమ్మీ కోసం బయట ఎదురు చూస్తున్నాడు.వాళ్లమ్మ రోరో బ్యాగ్ తీసుకుని ప్రతి రోజు అతన్ని స్కూలు దగ్గర దిగబెడుతుంది. తర్వాత ఇంటికి తిరిగి వచ్చి పని పూర్తి చేసుకుంటుంది.

రంపీ తరచుగా వాళ్లమ్మతో “మమ్మీ, నేనిప్పుడు ఎదిగాను. నేను నా స్నేహితులతో కలిసి స్కూల్కు వెళ్లగలను. నన్ను దింపడానికి ఇంత దూరం వచ్చి ఇబ్బంది పడడమెందుకు?" అనేవాడు.

“నీ గురించే నా బాధ బాబూ, అడవిలో చాలా నీచమైన జంతువులున్నాయి. అవి తమ పిల్లలను చూసుకుంటూ, ఇతరులపై దాడి చేస్తాయి. అందుకే నీతో స్కూల్కి వస్తుంటాను.”

“నువ్వు ఎంతో ప్రేమగా చూసుకుంటావు మమ్మీ, అందుకే నా గురించి అంతగా ఆలోచిస్తావు” “నువ్వూ అంతే” అతని తల ప్రేమగా నిమిరింది రోరో.

వారు స్కూలుకి వెళ్లేటప్పుడు, తిరిగి వచ్చేటప్పుడు చాలా మాట్లాడుకునే వారు. రోరో తన ఇల్లు చూసుకుంటూ రంపీని ఒక మంచి స్కూల్లో చదివించడానికి రాత్రి, పగలు కష్టపడింది.మధ్యాహ్నం ఆమె అతన్ని పికప్ చేసుకోవడానికి ఒక నిర్ణీత సమయానికి స్కూల్కి వెళ్లేది. అతని స్కూలు బ్యాగ్ తీసుకునేది. సంతోషంగా ఇంటికి వెళ్లేవారు.

ఆ రోజు ఫిబ్రవరి 14వ తేదీ. ఎప్పటి మాదిరిగానే రంపీ స్కూలుకి చేరుకున్నాడు.స్నేహితులతో కలిసి అసెంబ్లీ హాలుకి వెళ్లాడు.వాళ్ల క్లాస్ టీచర్ వీవీ తోడేలు ఎంతో స్మార్ట్, అందంగా ఉండేది కానీ కొంచెం స్ట్రిక్ట్. పిల్లలు ఆమెతో మాట్లాడాలంటే భయపడేవారు. ఆమె ఎంతో చక్కగా బోధించేది. అందరికీ ఇష్టమైన టీచర్.

పిల్లలు తరగతిలోకి వచ్చారు. వీవీ మేడమ్ అటెండెన్స్ తీసుకుంది.

టీచర్ టేబుల్ మీద ఒక ఎర్రని అందమైన గులాబీ కనిపించింది. దాన్ని చూసి ఆశ్చర్యపోయింది. ఈ రోజు 'వాలెంటైన్స్ డే' అని ఆమెకు తెలుసు. కానీ చిన్న పిల్లల నుంచి ఇలాంటి విషయం ఊహించలేదు. గులాబీ పువ్వు వైపు చూసి ఆలోచిస్తూ "ఈ పువ్వుని ఎవరు ఇక్కడ పెట్టారు?” అడిగింది.

పిల్లలందరు తల దించుకున్నారు. మేడమ్ కఠినమైన గొంతుతో క్లాస్ మానిటర్ గోగో కుందేలును “అది ఎవరో చెప్పు” అని అడిగింది.