పరిశుభ్రత గొప్పతనం

విశాల్ తన పెంపుడు పిల్లి క్యాటీని ఎంతో ఇష్టపడేవాడు. అది చాలా ప్రత్యేకమైనది తెలివైనది.

- లలిత్ శౌర్య

విశాల్ తన పెంపుడు పిల్లి క్యాటీని ఎంతో ఇష్టపడేవాడు. అది చాలా ప్రత్యేకమైనది తెలివైనది. పట్టులాంటి మెత్తని బొచ్చు ఉంది. విశాల్ దాన్ని విడిచి ఒక్క నిమిషం ఉండలేడు. స్కూల్ నుంచి తిరిగి వచ్చినప్పటి నుంచి మళ్లీ స్కూల్కి వెళ్లేంతవరకు దానితోనే ఆడుకునేవాడు. క్యాటీ అతన్ని ఎంతో ఇష్టపడేది. అతనితోపాటు నడిచేది.కాళ్ల మధ్య తిరిగేది. అతని చేతుల్లో ఆడుకునేది.క్యాటీతో ఆడుకున్న తర్వాత ప్రత్యేకించి భోజనం చేసే ముందు సబ్బుతో చేతులు కడుక్కోమని తల్లి విశాల్కి చెప్పేది. కానీ అతడు వినలేదు.అతడు స్కూల్కి వెళ్లాక విశాల్ తల్లి క్యాటీని బాగా కడిగేది. దాంతో దానికి ఎలాంటి ఇన్ఫెక్షన్ రాకపోయేది. క్యాటీకి స్నానం చేయడం, నీళ్లలో ఆడుకోవడం చాలా ఇష్టం.

విశాల్ స్నానం ఇష్టపడకపోయేవాడు.అతికష్టంగా చేసేవాడు. అతని తల్లి ఎంత చెప్పినా అతడు వినలేదు. తనకు నచ్చిందే చేసేవాడు.అతడు అపరిశుభ్రంగా మారిపోతుండడంతో ఆమె ఆదివారం రోజు స్నానం చేయమని బలవంత పెట్టేది.

“విశాల్ నువ్వు ఎదుగుతున్నావు. నీ పరిశుభ్రత విషయంలో జాగ్రత్తలు తీసుకుంటే బాగుంటుంది.ఎంతకాలం నిన్ను నేను శుభ్రం చేస్తూ ఉండాలి.నువ్వు నీ బాధ్యత తీసుకోవాలి" అని విశాల్తో తల్లి ఒక రోజు చెప్పింది.

“నేను ఆదివారాలు స్నానం చేస్తున్నాను కదా.ఎందుకు ఇబ్బంది పెడుతున్నావ్” అని ప్రశ్నించాడు విశాల్.