సూర్యుడి అహంకారం

దాదాపు సాయంత్రం కావస్తోంది. సూర్యుడు అస్తమించబోతున్నాడు. చంద్రుడు ఆకాశంలో కనిపించాడు.

- వందనా గుప్త

దాదాపు సాయంత్రం కావస్తోంది. సూర్యుడు అస్తమించబోతున్నాడు. చంద్రుడు ఆకాశంలో కనిపించాడు.

చంద్రుడు సూర్యునితో “హలో, సూర్యా, ఎలా ఉన్నారు? మిమ్మల్ని కలుసుకున్నందుకు నాకు సంతోషంగా ఉంది. మనం కలుసుకోవడానికి చాలా తక్కువ సమయం ఉంటుంది. అది ఎంతంటే మీరు అస్తమించగానే నేను ఉదయిస్తాను.నేను వెళ్లిన తర్వాతే మీరు ఉదయిస్తారు” అన్నాడు.

సూర్యుడు ముఖం అదోలా పెట్టాడు, స్పందించలేదు.

“ఏమైంది? మీరు విచారంగా ఉన్నారు. నాతో ఎందుకు మాట్లాడటం లేదు?” అడిగాడు చంద్రుడు.

“నాతో సమానమైన వారితోనే నేను మాట్లాడుతాను. నీ లాంటి చిన్నవాళ్లతో మాట్లాడటం నాకు చిన్నతనం” అన్నాడు.

సూర్యుడు అహంకారంతో.

“కానీ అందరూ నన్ను ఇష్టపడతారు. గత అరవై సంవత్సరాలుగా ఎంతోమంది వ్యోమగాములు నన్ను కలవడానికి అంతరిక్ష నౌకల్లో వచ్చారు. నిజానికి మీలోని అగ్ని కారణంగా వారు మీ దగ్గరికి రావడానికి భయపడుతున్నారు.”

“అందుకే నాతో మాట్లాడవద్దని చెబుతున్నాను.నువ్వు రెచ్చగొడతావు" అన్నాడు కోపంగా సూర్యుడు.

“దయచేసి అలా చెప్పకు సూర్యా, నేను శాంతిని నమ్ముతాను. ప్రజలు నన్ను చూసి ప్రశాంతత పొందుతారు. వారి చూపు మెరుగుపడుతుంది.

భూమిపై పిల్లలందరు నన్ను 'ప్రేమ'కు గుర్తుగా సూచిస్తారు. తల్లులు తమ పిల్లలను నిద్ర పుచ్చడానికి నా గురించి లాలి పాటలు పాడుతారు. దాంతో పిల్లలు ప్రశాంతంగా నిద్రపోతారు".