చాక్లెట్ బాక్స్

ఎండాకాలపు వేడి గాలి చల్లబడసాగింది.'అంజలికి వాళ్ల నానమ్మ అల్పాహారంగా వేడి వేడి ఇడ్లీలు చేసి ఇచ్చింది

- నిశి పటేల్

ఎండాకాలపు వేడి గాలి చల్లబడసాగింది.'అంజలికి వాళ్ల నానమ్మ అల్పాహారంగా వేడి వేడి ఇడ్లీలు చేసి ఇచ్చింది. “ప్రతి రోజు ఉదయం ఇలాగే ఉండాలని కోరుకుంటున్నాను” అంది అంజలి నానమ్మతో.

"పూర్తిగా ఆస్వాదిస్తూ తిను” చెప్పింది నానమ్మ.

నానమ్మ అన్న దాని గురించి ఆలోచించింది అంజలి. సెలవులు అయిపోయాయని, ఈ వీకెండ్ ముగియగానే స్కూలు మొదలవుతుందని వెంటనే గ్రహించింది అంజలి.

“సెలవులు అప్పుడే అయిపోయాయి. నాకు స్కూల్కు వెళ్లడం అస్సలు ఇష్టం లేదు” స్పష్టంగా చెప్పింది అంజలి నానమ్మతో.

“నువ్వు స్కూల్కి వెళ్లి ఎంతో ఎంజాయ్ చేసావని అనుకున్నాను. నీ ఫ్రెండ్ ఆదిత్యతో ఎంతో ఇష్టంగా ఆడుకుంటావు కదా, మరేమైంది?” అడిగింది నానమ్మ అయోమయంగా.

“నానమ్మా, వాళ్ల కుటుంబం పూణేకి షిఫ్ట్ అవుతుండటంతో అతడు స్కూల్ మారబోతున్నాడు.ఇప్పుడు స్కూల్లో సరదా ఉండదు. అందుకే...నాకు వెళ్లడం ఇష్టం లేదు. నాకున్న ఒకే ఒక్క స్నేహితుడు ఇప్పుడు వెళ్లిపోతున్నాడు" చెప్పింది అంజలి.

అల్పాహారం ముగిశాక నానమ్మ ఏమీ మాట్లాడలేదు. అంజలిని ఎలా ఉత్సాహపరచాలా అని ఆలోచించసాగింది.

మధ్యాహ్నం అంజలికి ఇష్టమైన సమయం. మధ్యాహ్నపు వెలుతురు తన గదిలోకి వచ్చినప్పుడు అంజలి దాన్ని చూస్తూ ఉంటుంది.

"చూడు, ఆకాశం ఎంత అందంగా ఉందో" అంటూ నానమ్మ అంజలి గదిలోకి వచ్చింది. కానీ అంజలి స్పందించ లేదు. స్కూల్కి ఎలా వెళ్లాలా అని ఆలోచిస్తూ బిజీగా మారిపోయింది.

“నానీ, నేను ఇక ఎన్నటికీ స్కూలుకు వెళ్లలేనేమో?” అంది.

“ఎందుకు?” అడిగింది నానమ్మ.