లెఫ్ట్ హ్యాండర్స్

స్వప  సంగీత గారాల కూతురు. తల్లి ఎంతగానో ప్రేమించేది. కూతురు పెంపకంలో చాలా జాగ్రత్త తీసుకునేది.

- కథ • రేణుకా శ్రీవాస్తవ

స్వప  సంగీత గారాల కూతురు. తల్లి ఎంతగానో ప్రేమించేది. కూతురు పెంపకంలో చాలా జాగ్రత్త తీసుకునేది. అయితే ఆమె కూతురు ఏ పని చేసినా ఎడమ చేయి ఉపయోగించడాన్ని గమనించలేదు. స్వప్న ఎడమ చేత్తోనే తల్లి చీరను పట్టుకునేది. బొమ్మలు తీసుకునేది. బొటనవేలు నోట్లో పెట్టుకుని చప్పరించేది.

అయితే సంగీత తన కూతురు వేలు చప్పరిస్తున్న సమయంలో ఆపడానికి ప్రయత్నించినప్పుడు ఆమె ఎడమ చేతి బొటనవేలు ఉపయోగించడం గమనించింది.

స్వప్న పెద్దయ్యాక స్కూలుకు వెళ్లినప్పుడు అక్కడా రాయడానికి ఎడమ చేయి ఉపయోగించ సాగింది.

ఆమెకది ఇబ్బందిగా అనిపించింది.కుడి చేత్తో రాసే విధంగా మార్చడానికి సంగీత ప్రయత్నించింది. కానీ స్వప్న అలా చేయలేకపోయింది. దాంతో సంగీత ఈ విషయం స్వప్న తండ్రి రాకేశికి చెప్పింది. అప్పటివరకు ఇది అతనికి తెలియదు. ఇది ఆందోళన చెందే విషయం కాదన్నాడు.

“చాలామందికి ఎడమ చేయి వాడే అలవాటు ఉంటుంది. సాధారణ వ్యక్తులే కాదు, ఎడమ చేతితో పని చేసి గొప్ప విజయాలు సాధించిన వారు ఎందరో ఉన్నారు. ఉదాహరణకు అమెరికా అధ్యక్షుడు బరాక్ ఒబామా, బ్యాట్స్మెన్ వినోద్ కాంబ్లీ, అల్బర్ట్ ఐన్స్టీన్ ఇంకా ఎందరో క్రీడాకారులను మనం చూడవచ్చు. దాని గురించి నువ్వు బాధపడకు. కుడి చేతిని మనం ఎలా ఉపయోగిస్తామో అలాగే స్వప్న తన ఎడమ చేతిని వాడగలదు" అని సంగీతకు వివరించి చెప్పాడు.