ఒక డ్రీమ్

సైన్స్ పీరియడ్లో మోహిత్ సార్ ఎంతో చక్కగా  శాస్త్రీయ ఆవిష్కరణల గురించి చెబుతున్నారు.

- కథ • డా.కె. రాణి

సైన్స్ పీరియడ్లో మోహిత్ సార్ ఎంతో చక్కగా  శాస్త్రీయ ఆవిష్కరణల గురించి చెబుతున్నారు.

ఒక అధ్యాయం పూర్తి చేసాక విద్యార్థులను “మీరు పెద్దయ్యాక ఏం కావాలనుకుంటున్నారు?” అని అడిగారు.

ముందుగా షాహిద్ చేయి పైకెత్తాడు.

“సార్, నేను డాక్టర్ కావాలనుకుంటున్నాను. మా అమ్మ నాన్నలిద్దరూ డాక్టర్లు. పెద్దయ్యాక నేనూ వారిలాగే ఇతరులకు సేవ చేయాలనుకుంటున్నాను”.

“వెరీ గుడ్”.

“సార్, నేను మీలాగ సైన్స్ టీచర్ కావాలనుకుంటున్నాను. అందరికీ మంచి విద్య నందిస్తాను” అన్నాడు రవి.

“సార్, నేను పెద్దయ్యాక సినిమా హీరో అవ్వాలను కుంటున్నాను. నాకు హీరోలంటే చాలా ఇష్టం" చెప్పాడు శౌర్య. “సార్, నేను డ్యాన్సర్ కావాలనుకుంటున్నాను” చెప్పింది నియా.

"నాకు ఆర్టిస్టు కావాలని ఉంది" అంది మయూరి.

విపుల్ అందరి మాటలు శ్రద్ధగా వింటున్నాడు.

పిల్లలందరూ ఒక్కొక్కరుగా తమ కోరికను వ్యక్తం చేసారు.

“విపుల్, ఎందుకు మౌనంగా కూర్చున్నావు? నువ్వు పెద్దయ్యాక ఏమవుతావో చెప్పు" అని అడిగాడు మోహిత్ సార్.

అతడు లేచి నిశ్శబ్దంగా తన స్థానంలో నిలబడ్డాడు.

“భయపడకు. కంఫర్టబుల్గా ఉండు. నువ్వు కూడా ఏదో కావాలని కోరుకుని ఉంటావు" అన్నాడు మోహిత్ సార్.

“సా...ర్... నేను... పెద్దయ్యాక ఆస్ట్రోనాట్ కావాలనుకుంటున్నాను" తడబడుతూ చెప్పాడు విపుల్.

అతని కోరిక విని పిల్లలందరూ గట్టిగా నవ్వసాగారు.

“అతడు ఆస్ట్రోనాట్ గనక అయితే శాటిలైట్ ఎగరక ముందే కింద పడిపోతుంది" అన్నాడు శౌర్య.

“ఆస్ట్రోనాట్లు చేసే ప్రతి పనిలో చురుకుదనం ఉండాలి. అతడు సరిగ్గా మాట్లాడలేడు. ఇక ఎలా పనిచేస్తాడు?" అడిగాడు షాహిద్.

“మీరందరూ పెద్దయ్యాక ఏదో ఒకటి కావాలని కోరుకున్నారు. అలాగే విపుల్ కూడా ఆస్ట్రోనాట్ కావాలని కలలు కన్నాడు. మీరు అతన్ని ఎగతాళి చేయకూడదు”.

“సార్, నేను చెప్పేది నిజమే. అతడు ఏదైనా చెప్పడానికి చాలా సమయం తీసుకుంటాడు.

మాట్లాడుతున్నప్పుడు బాగా తడబడతాడు. ఒక్క వాక్యం మాట్లాడడానికి ఎన్నోసార్లు ఆగిపోతాడు.