విదేశంలో దీపావళి

విదేశంలో దీపావళి

- కథ • కాంచనరావు

‘క్రాకర్స్ కర్స్ లేని దీపావళి, దీపావళే కాదు' అన్నాడు రిషబ్ కోపంతో గట్టిగా. అతని తల్లి పృథ్వీ అతనితో వాదిస్తూ, “దీపావళికి చాలా సరదా పనులు చేస్తున్నారు కదా రిషబ్. టపాకాయలు కాల్చకపోతే ఏమిటి?” అని అడిగింది.

“భారతదేశంలో ఉన్న నా స్నేహితులందరూ టపాకాయలు కాల్చి చాలా సరదాగా గడుపుతారు” అన్నాడు రిషబ్.

“మనం మన పక్కనే ఉన్న సిల్వర్ లేక్ (అమెరికాలోనే ఓ ప్రాంతం) లో దీపావళి పండుగను జరుపుకుందామని అనుకున్నాము కదా... అమ్మ, ఆమె స్నేహితులతో కలిసి వండే ఆహార పదార్థాలు ఎప్పుడెప్పుడు రుచి చూడాలా... అని ఎదురు చూస్తున్నా.... నేనెప్పుడూ ఇలా పండుగ సంబరం చేసుకోలేదు!” అన్నాడు అతని సోదరుడు కనిష్క్.

తల్లి నవ్వుతూ “అవును, మనం అల్పాహారం చేస్తున్నాము. ఆ తర్వాతే హౌసీ ఆట ఆడుతాం. ఆ తర్వాత రాధిక ఆంటీ ఇంట్లో అంత్యాక్షరి ఆట. ఆ తర్వాత భోజనం..." ధీరజ్ ఇంట్లో సరదాగా మరెన్నో ఆటలు... తర్వాత టీ తాగటం... హిమాని ఇంట్లో లక్ష్మీ పూజ చేసుకున్న తర్వాత డిన్నర్, ఇంకా డ్యాన్స్, తర్వాత సినిమా చూడటం" అని చెప్పింది.

కనిష్క్ ఉత్సాహంగా ఎగిరి గంతేసాడు.

"ఆ తర్వాత” అన్నాడు వారి తండ్రి పునీత్ ఫోన్ పట్టుకుని గదిలోకి వస్తూ “దీపావళి ముగింపు సంబరాలకి కపూర్ అంకుల్ సర్ప్రైజ్ ఏర్పాటు చేసారు. ఇప్పుడే ఫోన్ చేసి చెప్పాడు” అన్నాడు

“ఆశ్చర్యం!” రిషబ్ కళ్లు ఆనందంతో మెరిసాయి.

“కానీ టపాకాయలు మాత్రం వద్దు!" అంటూ తన కుర్చీలోంచి కిందకు దూకాడు. ఆ తర్వాత ఆడుకోవడానికి పరుగెత్తాడు.

దీపావళి తెల్లవారుజామున కుటుంబ సమేతంగా తలంటి స్నానం తర్వాత పూజ చేయడానికి త్వరగా మేల్కొన్నారు. సాంప్రదాయ దుస్తులు ధరించి, సిల్వర్ లేక్ నుంచి వచ్చిన తమ కొత్త స్నేహితులకు అల్పాహారం అందించడానికి సిద్ధంగా ఉన్నారు.