ഓട്ടമൊബീൽ എൻജിനീയറിങ്

മെക്കാനിക്കൽ എൻജിനീയറിങ്ങിന്റെ പുതിയകാല വകഭേദം

- ബി.എസ്.വാരിയർ

മെക്കാനിക്കൽ എൻജിനീയറിങ്ങിലെ ഉപ ശാഖ മാത്രമായിരുന്ന ഓട്ടമൊബീൽ എൻജിനീയറിങ് കാലക്രമത്തിൽ സ്വതന്ത്രശാഖയായി രൂപംകൊണ്ടതാണ്. മുൻപെങ്ങുമില്ലാത്ത വിധം മോട്ടർ വാഹനങ്ങളുടെ സംഖ്യ വർധിച്ചുവരുന്നു. അതനുസരിച്ച്, ഈ രംഗത്തെ അവസരങ്ങളും വർധിക്കുന്നു.

പുതിയകാല അവസരം മോട്ടർ വാഹനങ്ങളുടെ നിർമാണത്തിനും സംരക്ഷണത്തിനും നേരത്തേ മെക്കാനിക്കൽ എൻജിനീയറിങ്ങിലെ പ്രാവീണ്യം മാത്രം മതിയായിരുന്നു; ചെറിയ തോതിൽ ഇലക്ട്രിക്കൽ എൻജിനീയറിങ്ങിന്റെയും. പക്ഷേ, ടെക്നോളജിയിലെ വികാസം മൂലം മോട്ടർ വാഹനങ്ങളിൽ ഇലക്ട്രോണിക്സിന്റെയും കംപ്യൂട്ടർ സയൻസിന്റെയും പ്രയോഗം ഗണ്യമായി വർധിച്ചു. ഇവയിലെല്ലാം നൈപുണി നേടിയവരുടെ സേവനം ധാരാളമായി വേണ്ടിവരുന്നു.