നിപ്പ: പിഎസ്സി പരീക്ഷകളിൽ മാറ്റം

കോഴിക്കോട് ജില്ലക്കാരുടെ കായികക്ഷമതാ പരീക്ഷയും അളവെടുപ്പും പിന്നീട്

കോഴിക്കോട് ജില്ലയിലെ നിപ്പ രോഗനിയന്ത്രണങ്ങളെത്തുടർന്നു ഒട്ടേറെ പിഎസ്സി പരീക്ഷകൾ മാറ്റി. സെപ്റ്റംബർ 25നു നടത്താനിരുന്ന എല്ലാ ഒഎംആർ ഓൺലൈൻ/എഴുത്തുപരീക്ഷകളും മാറ്റിവച്ചു. പുതുക്കിയ തീയതി പിന്നീട് അറിയിക്കും. സംസ്ഥാനത്തെ മുഴുവൻ പരീക്ഷാകേന്ദ്രങ്ങളിലും 25നു നടത്താനിരുന്ന വകുപ്പുതല പരീക്ഷകൾ മാറ്റിവച്ചിട്ടുണ്ട്.

മാറ്റിവച്ച് പരീക്ഷകൾ:

സർവകലാശാലാ ലാസ്റ്റ് ഗ്രേഡ്, ജലഗതാഗത വകുപ്പിൽ കൂലി വർക്കർ എന്നിവ ഉൾപ്പെടെ സെപ്റ്റംബർ 23നു നടത്താനിരുന്ന പൊതുപ്രാഥമിക പരീക്ഷയുടെ കോഴിക്കോട് ജില്ലയിൽ നടത്താനിരുന്ന പരീക്ഷ.

മിനറൽസ് ആൻഡ് മെറ്റൽസിൽ (ടിപി യൂണിറ്റ്) ജൂനിയർ സൂപ്പർവൈസർ (കന്റീൻ), അച്ചടി വകുപ്പിൽ കംപ്യൂട്ടർ അസിസ്റ്റന്റ് ഗ്രേഡ്-2 തസ്തികകളിൽ സെപ്റ്റംബർ 19നു നടത്താനിരുന്ന ഓൺലൈൻ പരീക്ഷ.