പഠിക്കാം, ക്രിമിനോളജിയും ഫൊറൻസിക് സയൻസും

കുറ്റാന്വേഷണത്തിലെ രണ്ടു പ്രധാന പഠന-തൊഴിൽമേഖലകൾ

കുറ്റകൃത്യങ്ങളുമായി ബന്ധമുള്ള രണ്ടു ശാസ്ത്രശാഖകളാണ് ഫൊറൻസിക് സയൻസും ക്രിമിനോളജിയും. ഒരേ നാണയത്തിന്റെ ഇരുവശങ്ങളെന്നു കരുതാവുന്നവ. ഇവ രണ്ടിൽനിന്നും തീർത്തും വ്യത്യസ്തമാണു ഫൊറൻസിക് മെഡിസിൻ. എംബിബിഎസ് കഴിഞ്ഞുള്ള ഉപരിപഠനവിഷയമാണിത്. മെഡിക്കൽ വിജ്ഞാനം, വിശേഷിച്ചും പതോളജി, ഉപയോഗിച്ച് നിയമനടപടികൾക്കു വേണ്ടി മരണകാരണവും മറ്റും കണ്ടെത്തുന്ന വിഭാഗം.

ഫൊറൻസിക് സയൻസ്: കുറ്റാന്വേഷണം കാര്യക്ഷമ മാക്കാനും കുറ്റകൃത്യങ്ങൾ തെളിയിക്കാനും ഫൊറൻസി ക് സയൻസിന്റെ സഹായം വേണം. മുടി, ശരീരദ്രവങ്ങൾ, മാരകായുധങ്ങൾ മുതലായവ പരീക്ഷണശാലയിൽ വിശകലനം ചെയ്ത് കുറ്റവാളിയെ കണ്ടെത്താൻ ശ്രമിക്കുന്നു. രാസപരിശോധന, വിരലടയാളം, കൈപ്പടവിശകലനം തുടങ്ങിയവയിൽ പ്രാവീണ്യമുള്ളവരുടെ സേവനത്തിനുമുണ്ട് പ്രാധാന്യം.