കരുതൽ മുന്നറിയിപ്പുമായി ലോകാരോഗ്യം

എച്ച്ഐവി, മഞ്ഞപ്പിത്തം, എസ്ടിഡി തുടങ്ങിയവ പൊതുജനാരോഗ്യ ഭീഷണിയെന്ന് ഡബ്ല്യുഎച്ച്ഒ

- അജീഷ് മുരളീധരൻ

എച്ച്ഐവി എയ്ഡ്സും മറ്റു ലൈംഗികരോഗങ്ങളും (സെക്ഷ്വലി ട്രാൻസ്മിറ്റഡ് ഡിസീസസ് അഥവാ എസ്ടിഡി) മഞ്ഞപ്പിത്ത വ്യാപനവും വിവിധ രാജ്യങ്ങളിൽ ഗുരുതര ആരോഗ്യ ഭീഷണി ഉയർത്തുന്നതായി ലോകാരോഗ്യ സംഘടനയുടെ (ഡബ്ല്യുഎച്ച്ഒ) റിപ്പോർട്ട്. ഈ രോഗങ്ങൾ മൂലം ലോകത്താകെ 25 ലക്ഷം പേർ വർഷംതോറും മരിക്കുന്നുവെന്നാണ് ഡബ്ല്യുഎച്ച്ഒ ഡയറക്ടർ ജനറൽ ഡോ. ടെഡോസ് അഡാനം പുറത്തിറക്കിയ റിപ്പോർട്ടിൽ പറയുന്നത്. സിഫിലിസ് രോഗം വർഷംതോറും 80 ലക്ഷം പേരെ പുതുതായി ബാധിക്കുന്നതായും 2022ൽ 2.30 ലക്ഷം പേർ സിഫിലിസ് ബാധിച്ചു മരിച്ചതായും റിപ്പോർട്ടിലുണ്ട്.

എയ്ഡ്സ് വ്യാപനഭീതി