ടെറിട്ടോറിയൽ ആർമിയിൽ 2847 സോൾജിയർ

കേരളം ഉൾപ്പെടുന്ന സതേൺ കമാൻഡിൽ 774 ഒഴിവ് റിക്രൂട്മെന്റ് റാലി നവംബറിൽ

ടെറിട്ടോറിയൽ ആർമിയിൽ സോൾജിയർ ഒരു ഡ്യൂട്ടി, ക്ലാർക്ക്, ട്രേഡ്സ്മാൻ വിഭാഗങ്ങളിൽ 2847 ഒഴിവ്. കേരളം ഉൾപ്പെടുന്ന ദക്ഷിണ കമാൻഡ് ഗ്രൂപ്പ് ഹെഡ്ക്വാർട്ടേഴ്സിനു കീഴിലെ വിവിധ ഇൻഫന്ററി ബറ്റാലിയനുകളിൽ 774 ഒഴിവുകളുണ്ട്. മഹാരാഷ്ട്രയിലെ കോലാപുർ, ദേവാലി, തമിഴ്നാട്ടിലെ കോയമ്പത്തൂർ, കർണാടകയിലെ ബെളഗാവി, ആൻഡമാൻ ആൻഡ് നിക്കോബർ ദ്വീപിലെ ശ്രീ വിജയപുരം എന്നിവിടങ്ങളിൽ നവംബർ 4 മുതൽ നവംബർ 16 വരെയാണു സതേൺ സോണിലെ ഇൻഫന്ററി ബറ്റാലിയനുകളുടെ റിക്രൂട്മെന്റ്.

സേനയുടേതു പോലെ സ്ഥിരം നിയമനമല്ല. വോളന്ററി ഓർഗനൈസേഷനായ ടെറിട്ടോറിയൽ ആർമിയിൽ പാർട് ടൈം സേവനത്തിനാണ് അവസരം. 7 വർഷത്തേയ്ക്കാണു നിയമനം. നീട്ടിക്കിട്ടിയേക്കാം.