ஊபரில் கார் ஓட்டும் பெண் எஞ்சினியர்!

கடந்த வாரம் பரம் கல்யாண் சிங் என்பவர் கொல்கத்தாவில் உள்ள நியூ காரியா என்ற  இடத்திலிருந்து லேக் மால் செல்வதற்காக ஊபரில் கார் புக் செய்தார். புக்கிங் ஆன சில நொடிகளிலேயே ஒரு பெண் டிரைவரிடமிருந்து பரமின் செல்போனுக்கு அழைப்பு வந்தது.

- த. சக்திவேல்

பொதுவாக ஓலா, ஊபரில் கார் அல்லது பைக் புக்கிங் செய்யும்போது டிரைவர்கள் உடனே அழைக்க மாட்டார்கள். அந்தப் பெண் உடனே அழைத்தது பரமுக்கு ஆச்சர்யத்தை வரவழைத்தது. மட்டுமல்ல, ஆண் டிரைவர்கள் வழக்கமாக கேட்கும் ‘கேஷா... ஆன்லைன் பேமெண்ட்டா...’ என்று எதையும் கேட்காமல் பரம் இருக்கும் இடத்தை மட்டும் கேட்டுவிட்டு, சில நிமிடங்களில் அங்கே வந்துவிட்டார்.

அவரது பெயர் தீப்தா கோஷ்.

பயணத்தின்போது தீப்தாவிடம் பேச்சுக் கொடுத்தார் பரம். தன்னைப்பற்றி தீப்தா சொல்லியதை எல்லாம் தனது சமூக வலைத்தளப் பக்கத்தில் பரம் எழுத, வைரலாகிவிட்டது அந்தப் பதிவு.

யார் இந்த தீப்தா கோஷ்?

கொல்கத்தாவில் உள்ள ஒரு நடுத்தரக் குடும்பத்தில் பிறந்தவர் தீப்தா கோஷ். அப்பா, அம்மா, தங்கை, தீப்தா என நான்கு பேர் கொண்ட குடும்பம் அது.