இவன் வேற மாதிரி சைக்கோ...

என் 32 வருஷ எக்ஸ்பீரி யன்ஸ்ல இப்படி ஒரு கில்லரை நான் பார்த்ததே இல்லை... பயமா இருக்கு சார்..."

- ஷாலினி நியூட்டன்

வெறித்தனமாக பெண்களை வேட்டையாடும் சீரியல் கில்லர், அவனைத் தேடும் படலம் என ‘இறைவன்’ படத்தின் டிரெய்லரிலேயே நம் நடுமுதுகில் சிலீர் என்னும் உணர்வுகளைக் கொடுத்திருக்கிறார் இயக்குநர் ஐ.அகமது.

டிப்டாப் ஸ்ட்ரிக்ட் ஆபீசராக ஜெயம் ரவி, உடன் அழகிய நயன்தாரா. ‘வாமனன்’, ‘என்றென்றும் புன்னகை’, ‘மனிதன்’ படங்களுக்குப் பிறகு அதிர்ச்சி கொடுக்கும் ‘இறைவன்’ டிரெய்லருடன் வந்திருக்கிறார் இயக்குநர் ஐ.அகமது.

அதென்ன சீரியல் கில்லர் என்றாலே ஒரு ஆண் சைக்கோ... அவன் கொடூர எண்ணத்தால் இரையாகும் பெண்கள்... இது ஏன் யுனிவர்சல் தியரியாகவே இருக்கு?

இதற்கு பதில் கதையிலே சொல்லியிருக்கேன். படம் பார்க்கும் போது உங்களுக்குப் புரியும். நிச்சயம் இதுவரையிலும் வந்த மர்டர் மிஸ்டரி, கிரைம் படங்களிலிருந்து இது வேறு ஒரு கதையாக இருக்கும். நிறைய படிச்ச, கேட்ட சம்பவங்கள்... அதைச் சுற்றிய கதைக்களம்தான் படம்.  

‘இறைவன்’?

முதலில் ‘றை’ அல்ல, ‘ரை’. அதாவது ‘இரைவன்’. இரையை வேட்டையாடுபவன்னு பொருள் வருகிற மாதிரிதான் தலைப்பு வெச்சோம். ஆனால், கதையைத் தலைப்பிலேயே நேரடியாகச் சொல்லி விடுகிறது போல இருந்தது. அதனாலேயே தலைப்பை ‘இறைவன்’ என மாற்றியாச்சு.

இப்ப இரண்டு பொருள் வரும்... தன்னை இறைவனா நினைச்சுட்டு ஆடும் ஒரு சைக்கோ கொடூரன்... இன்னொன்று, கடவுள் எல்லா நேரங்களிலும் உதவ வர இயலாது என்கையில் வந்து நிற்கும் இறைவன் போன்ற ஒரு காவல் அதிகாரி... இப்படி இரண்டு பொருள் கிடைத்தது.

டிரெய்லர்லயும் அதனாலதான் இப்படியொரு வசனத்தை வைச்சோம்... ‘கிரிமினல்ஸ் மிருகமா மாறி தப்பு பண்ணும் போது... ஆண்டவன் பார்த்துப்பான்னு விட்டுட்டுப் போற அளவுக்கு எனக்கு பொறுமை இல்ல...’

ஜெயம் ரவி ஏராளமான படங்களில் காவல்துறை அதிகாரியாக நடித்துவிட்டார்... இதில் என்ன சிறப்பு?