നെയ്മറിലെ നായക്കുട്ടി

ഒരു ഫുൾടൈം ഫാമിലി എന്റർടൈൻമെന്റ് ചിത്രമായ "നെയ്മർ' മലയാളം, തമിഴ്, തെലുങ്ക്, ഹിന്ദി തുടങ്ങിയ ഭാഷകളിലായി പാൻ ഇന്ത്യ തലത്തിൽ പ്രദർശനത്തിനെത്തുന്നു.

- എ.എസ്. ദിനേശ്

മാത്യു തോമസ്- നസ്സിൻ കോമ്പോ വീണ്ടും ഒന്നിക്കുന്ന നെയ്മർ എന്ന പുതിയ സിനിമയിൽ നെയ്മർ എന്ന കേന്ദ്ര കഥാ പാത്രത്തെ ഒരു നാടൻ നായക്കുട്ടിയാണ് അവതരിപ്പിക്കുന്നത്.

നായക്കുട്ടിയെ കേന്ദ്ര കഥാപാത്രമാക്കി ഒരുപാട് നാഷണൽ ഇന്റർനാഷണൽ സിനിമകൾ റിലീസായിട്ടുണ്ട്. ടോബോ, ഹാച്ചിക്കോ, ചാർളി 777 എന്നിവ അവയിൽ ചിലതുമാത്രം. അവയിലെല്ലാം നായക്കുട്ടികൾ അസാധ്യമായി അഭിനയിച്ചിട്ടുണ്ടങ്കിലും അതെല്ലാം മുന്തിയ ഇനം ബ്രീഡുകളിൽ പെട്ട നായക്കുട്ടികളാണ്. എന്നാൽ നെയ്മർ എന്ന ചിത്രത്തിലെ താരം ഒരു നാടൻ നായയാണ്. മലയാളത്തിൽ എന്നല്ല, ലോക സിനിമയിൽ പോലും നാടൻ നായക്കുട്ടിയെ വെച്ചു ഒരു പടം ഇതാദ്യം എന്നു പറയാം.