കൊള്ള

എല്ലാ വിഭാഗം പ്രേക്ഷകർക്കും ഒരുപോലെ ആസ്വദിക്കാൻ പോരും വിധത്തിലുളള ഒരു ക്ലീൻഎന്റർടൈനറായിരിക്കും ഈ ചിത്രം

- വാഴൂർ ജോസ്.

തികഞ്ഞ ഗ്രാമീണ പശ്ചാത്തലത്തിലൂടെ ഒരുങ്ങുന്ന ചിത്രമാണ് കൊള്ള ബോബി - സഞ്ജയയുടെ കഥയിൽ സൂരജ് വർമ്മ സംവിധാനം ചെയ്യുന്ന ഈ ചിത്രത്തിന്റെ നിർമ്മാണ പ്രവർത്തനങ്ങൾ പൂർത്തിയായിരിക്കുന്നു. രജീഷ് പ്രൊഡക്ഷൻസിന്റെ ബാനറിൽ കെ.വി. രജീഷാണ് ഈ ചിത്രം നിർമ്മിക്കുന്നത്. രവി മാത്യു പ്രൊഡക്ഷൻസും ഈ ചിത്രത്തിന്റെ നിർമ്മാണത്തിൽ സഹകരിക്കുന്നുണ്ട്.

കൊളളയെന്നു കേൾക്കുമ്പോൾത്തന്നെ അതിൽ ഞെട്ടലുണ്ടാക്കാൻ കഴിയും. ഭീകരാന്തരീക്ഷം അതിന്റെ പിന്നിലുണ്ട്. സമ്പത്തിനും, അധികാരത്തിനുമാണ് ഏറെയും കൊളള നടക്കുക. ഇനി തമാശ രൂപേണയാണങ്കിൽ മനസ്സു കൊള്ളയടിച്ചു എന്നും പറയാം. ഇവിടെ എന്തു കൊളളയാണു നടക്കുന്നതെന്നതാണ് ഈ ചിത്രം നൽകുന്ന ഉത്തരം.