હાઈવે પર ફેલાઈ લૂટ અને ઠગીની જાળ

ક્યારેક કોઈ ઠગ અથવા લૂટારો કોઈના ઘરેણાં સાફ કરવાના બહાને સોના અને ચાંદીના ઘરેણાં ઉઠાવી લઈ જાય છે, તો ક્યારેક કોઈ ઠગ કોઈના કપડાં પર ગંદકી લાગી હોવાની વાત કહીને તેની બેગ લઈને ગાયબ થઈ જાય છે

- નિર્મલ રાની

લોકોના ઘર અને દુકાનોમાં લાઈન અને રસ્તે ચાલતા લોકોને બહેલાવીને કે પછી તેમને લાલચ આપીને ઠગવા અને લૂંટવાની ઘટના આપણે ઘણી વાર સાંભળી હશે.

ક્યારેક કોઈ ઠગ અથવા લૂટારો કોઈના ઘરેણાં સાફ કરવાના બહાને સોના અને ચાંદીના ઘરેણાં ઉઠાવી લઈ જાય છે, તો ક્યારેક કોઈ ઠગ કોઈના કપડાં પર ગંદકી લાગી હોવાની વાત કહીને તેની બેગ લઈને ગાયબ થઈ જાય છે.

કોઈને નોટ ડબલ કરવાની લાલચ આપીને ઠગે છે, તો કોઈને સસ્તી કિંમતે સોનું, લોખંડ, સિમેન્ટ જેવી વસ્તુ આપવાના બહાને ઠગીને લઈ જાય છે.

હવે આ ઠગો અને લૂટારાએ બદલાતા સમયની સાથેસાથે ઠગવાની નવીનવી રીત શોધી કાઢી છે. જાહેર છે, સામાન્ય લોકોને આવા લૂટારા અને ઠગથી બચી રહેવાની જરૂર છે.

દેશમાં ચોરોનું એક એવું ગ્રૂપ હરકતમાં છે, જે એક મોટી સૂટકેસમાં ૧૦-૧૨ વર્ષના બાળકને બંધ કરી દે છે. તે બાળકના હાથમાં એક મોબાઈલ ફોન અને એક ટોર્ચ પકડાવી દેવામાં આવે છે. ત્યાર પછી તે સૂટકેસ વોલ્વો અથવા બીજી એવી બસમાં, જેમાં છેલ્લા ભાગમાં સામાન મૂકવાની જગ્યા હોય છે, મૂકી દેવામાં આવે છે.

આ રીતે બાળક સૂટકેસમાં બેસીને સામાન મૂકવાની જગ્યાએ પહોંચી જાય છે. બીજી તરફ તે સૂટકેસને મૂકનાર વ્યક્તિ બસમાં બેસીને પોતાની સફર શરૂ કરે છે.

બસ ચાલુ થતા જ તે છોકરો અંદરથી સૂટકેસની ચેન ખોલીને બહાર નીકળી ગયો અને ટોર્ચથી પાછળ મૂકેલી બધી સૂટકેસ જોઈને તેમાં પોતાની પાસે રાખેલી ચાવીઓ લગાવીને તેમને ખોલવા લાગ્યો અને તેમાં મૂકેલા કિંમતી સામાન પોતાની સૂટકેસમાં ભરીને પોતાની સૂટકેસ બેસી જાય છે અને અંદરથી ચેન બંધ કરીને પોતાના આકાને ફોન પર મિશન પૂરું થવાની સૂચના આપે છે.