અંધશ્રદ્ધાની શિકાર મહિલાઓ

દરબારના પંડા સંજય ઉપાધ્યાયે તેમને જણાવ્યું કે પૂજાપાઠ અને મંત્રજાપ કરવાથી તમારા વશમાં થશે. આ રીતે હેરાનપરેશાન અનીતાને તાંત્રિક સંજય બાબાએ પોતાની જાળમાં ફસાવી લીધી

- વેણીશંકર પટેલ ‘વ્રજ’ .

દેશના એક સમાચાર જૂથ દ્વારા હાથ ધરાયેલા સર્વેમાં એ વાત સામે આવી છે કે દેશમાં દર ત્રીજા દિવસે એક મોત જાદૂટોટકા કે અંધશ્રદ્ધાના લીધે થઈ રહ્યું છે.

વર્ષ ૨૦૦૧ થી વર્ષ ૨૦૧૪ સુધીના ૧૪ વર્ષના રિપોર્ટમાં જોવા મળ્યું છે કે ભારતમાં લગભગ ૨,૨૯૦ મહિલાના મોતનું કારણ જાદૂટોટકા અને અંધશ્રદ્ધા રહ્યા હતા. આ ૧૪ વર્ષમાં મધ્ય પ્રદેશમાં ૨૩૪ મોત નોંધાયા હતા. આ મોતનું કારણ પણ સમાજના તમામ વર્ગમાં ફેલાયેલી અંધશ્રદ્ધા છે.

એક આવો જ કિસ્સો જબલપુર શહેરની એક ભલીગણેલી મહિલા સાથે બન્યો હતો. જબલપુરના ગઢાપુરવામાં ભદ્રકાળી દરબારના બાબા સંજય ઉપાધ્યાયની પત્રિકા સમગ્ર જબલપુર શહેરમાં વહેંચવામાં આવી રહી હતી.

આ પત્રિકામાં છપાયેલી જાહેરાતમાં દાવો કરવામાં આવ્યો હતો કે બાબાના દરબારમાં એક નાળિયેર ચઢાવીને બધા પ્રકારની સમસ્યાનું સમાધાન કરવામાં આવે છે.

સંજય બાબાએ આવા જ ખોટા પ્રચારપ્રસારની જાળમાં ફસાવીને જબલપુર શહેરની ૫૨ વર્ષની એક મહિલા અનીતા (નામ બદલ્યું છે) પણ આવી ગઈ. અનીતા પોતાના પતિથી અલગ રહેતી હતી. જેથી તે માનસિક રીતે પરશાન રહેતી હતી. પછી બાબા દ્વારા કરવામાં આવેલા પ્રચારપ્રસારના ચક્કરમાં આવીને તે નવેમ્બર, ૨૦૧૯માં ભદ્રકાળી દરબારમાં પહોંચી હતી.

દરબારના પંડા સંજય ઉપાધ્યાયે તેમને જણાવ્યું કે પૂજાપાઠ અને મંત્રજાપ કરવાથી તમારા વશમાં થશે. આ રીતે હેરાનપરેશાન અનીતાને તાંત્રિક સંજય બાબાએ પોતાની જાળમાં ફસાવી લીધી.

સંજય દ્વારા જણાવેલ દિવસે જ્યારે અનીતા મંદિરે પહોંચી, ત્યારે પૂજાપાઠના બહાને સંજય મહારાજ તેને દરબારની નીચે બનાવેલા એક રૂમમાં લઈ ગયો, જે એકાંતમાં હોવાની સાથે આલીશાન સુખસુવિધાથી સજાવેલો હતો.