જ્યારે આવે પરિણીતા પર દિલ

આ પ્રકારના સંબંધને ખૂબ લાંબા ચલાવી શકાતા નથી. ધીરેધીરે બંને વચ્ચેનું અંતર સમાપ્ત થવા લાગે છે, ત્યારે વધારે હળવામળવાના લીધે ડર નાબૂદ થાય છે

- ધીરજ કુમાર

રોહતાસ બિહારની રહેવાસી ૨૭ વર્ષની અલકા પરિણીત હતી. તેનો પતિ ગુજરાતની એક ટેક્સટાઈલ મિલમાં નોકરી કરતો હતો. તેથી તે વર્ષમાં માત્ર ૧-૨ વાર ઘરે આવી શકતો હતો. પગાર એટલો ઓછો મળતો હતો કે તે પોતાની પત્ની અને બાળકોને ત્યાં પોતાની સાથે રાખી શકતો નહોતો. બીજી તરફ તેના પર પોતાના વૃદ્ધ માતાપિતાની જવાબદારી પણ હતી, તેથી સમયાંતરે તે ઘરના ખર્ચ માટે ખાતામાં પૈસા મોકલતો હતો.

અલકા યુવાન અને સુંદર હતી. તેને ઘરમાં ભોજન મળી રહ્યું હતું, પરંતુ તેની શારીરિક જરૂરિયાત પૂરી થઈ શકતી નહોતી. તેને પતિ વિના જિંદગી અધૂરી લાગતી હતી. તેને ક્યારેક-ક્યારેક રાત્રે ઊંઘ પણ આવતી નહોતી. તે વિચારોમાં પડખા ફેરવ્યા કરતી હતી. ક્યારેકક્યારેક તેને લાગતું કે કોઈ આવીને પ્રેમથી તેના નાજુક અંગને દબાવે, પ્રેમથી પંપાળે અને તેની સાથે પ્રેમભરી વાત કરે.

અલકાનું કોઈ પણ કામમાં મન લાગતું નહોતું. તેનું મન વિચારોમાં ખોવાયેલું રહેતું હતું. તે ખૂબ ઉદાસ રહેતી હતી. આ સમયગાળામાં તેને ગામના એક કુંવારા છોકરા રાજેશનો સાથ મળી ગયો. પછી પોતાના સાસુસસરાથી છુપાઈને અલકા રાજેશ સાથે મોબાઈલ પર ખૂબ વાત કરવા લાગી હતી.

ધીરેધીરે તે બંને વચ્ચે આત્મીયતા એટલી વધી ગઈ કે બંને એકબીજા વિના રહી શકતા નહોતા. તેઓ પોતાના પરિવારથી છુપાઈને પોતાની શારીરિક જરૂરિયાત પણ પૂરી કરવા લાગ્યા.

જોકે અલકા પોતાના પ્રેમી રાજેશને ખુલ્લેઆમ દિવસમાં મળી શકતી નહોતી, તેથી રાત્રે અંધારામાં મળવું પડતું હતું, પરંતુ મળતા સમયે તે બંને ખૂબ સાવચેતી રાખતા હતા.