હું પોતાને દરેક કામમાં હોશિયાર માનું છું

ઈક્શા કેરૂંગ હીરોઈન, પોલીસ ઓફિસર, બોક્સર, સુપર મોડલ.

- શાંતિસ્વરૂપ ત્રિપાઠી

સિક્કિમના એક ગામડાના ખેડૂતની દીકરી ઈશા કેરુંગ હાલના દિવસમાં ફિલ્મ ‘લક્કડબગ્ધા' માં એક્ટિંગ કરવાને લઈને ખૂબ ચર્ચામાં છે, પરંતુ માત્ર ૨૧ વર્ષની નાની ઉંમરમાં તેમણે જે કામ કર્યું છે તે માત્ર કોઈ વિરલ વ્યક્તિ કરી શકે છે.

‘મિસ સિક્કિમ’ પસંદ થયા પછી ઈશા કેરુંગ ૧૯ વર્ષની ઉંમરમાં ‘એન્ટિ રોયટ ફોર્સ ઓફ સિક્કિમ પોલીસ’ ની ઓફિસર બની ગઈ હતી. તે પહેલા તે નેશનલ લેવલની બોક્સર હતી. તેઓ એક બાઈક રાઈડર પણ છે અને એમટીવીના રિયાલિટી શો ‘સુપર મોડલ’ નો એક ભાગ પણ રહ્યા છે.

ઈક્શા કેરુંગનું સાચું નામ ઈશા ટાઈમા સુબ્બા છે, પરંતુ તેઓ પોતાનું નામ ઈક્શા કેરુંગ લખે છે અને આ નામથી તેમનું ઈસ્ટાગ્રામ હેંડલ પણ છે.

અહીં રજૂ કરીએ છીએ, સિક્કિમના આ ઈશા કેરુંગ સાથે થયેલ વાતચીતના ખાસ અંશ:

ખેડૂતની દીકરી હોવા છતાં તમે બોક્સર કેવી રીતે બન્યા? મોડલિંગ સાથે કેવી રીતે જોડાયા? ત્યાર પછી સિક્કિમ પોલીસની નોકરી.. આ બધું કેવી રીતે થયું?

હું સિક્કિમના એક ગામડાની રહેવાસી છું. મારી મા એક ઘરેલુ મહિલા અને પિતા ખેડૂત છે. મને બાળપણથી દોડવાનો શોખ રહ્યો છે. તે દિવસોમાં મારા પિતાને જાણકારી મળી કે અમારા ગામમાં ‘એસવાઈબીસી’ બોક્સિંગના ક્લાસિસ ચાલી રહ્યા છે.

મારા પિતાએ મને શારીરિક ફિટનેસ નામે માટે બોક્સિંગ શીખવા કહ્યું અને મેં તેમની વાત માનીને બોક્સિંગ ક્લાસમાં એડમિશન લઈ લીધું. મને લાગ્યું કે તેનાથી મારું શરીર સ્વસ્થ બનશે.

પછી હું ખુશીખુશી ટ્રેનિંગ અને ઘણા લેતી રહી મહિનાઓની ટ્રેનિંગ પછી મેં અનુભવ્યું કે હું એક સારી બોક્સર બની ગઈ છું અને હું ટૂર્નામેન્ટમાં ભાગ લેવા માટે તૈયાર થઈ ગઈ છું.

આ બધામાં મારા બોક્સિંગ કોચ સુમન લિચ્ચાનો ખૂબ મોટો ફાળો રહ્યો હતો. અમે સુમન સરને ‘સુમન દાદા’ કહેતા હતા. તેમણે પોતાના પરિવારને નજરઅંદાજ કરીને પણ અમને બોક્સિંગ શીખવવામાં પોતાનો વધારે સમય આપ્યો હતો. તેઓ પોતાનું ગામ છોડીને અમારા ગામમાં બોક્સિંગ શીખવવા આવતા હતા. આ વાત જાણીને હું મારા કોચ સાથે ઈમોશનલી જોડાઈ ગઈ હતી.

મેં નેશનલ બોક્સિંગ ઈવેન્ટમાં ભાગ લીધો, ત્યારપછી મેં નેશનલ લેવલ પર ૨૩ વાર પોતાના રાજ્યનું પ્રતિનિધિત્વ કર્યું.