વેલેન્ટાઇન માં ક્વોરંટાઈન

વર્ષ ૧૯૯૫ ની ઘટના છે, જ્યારે ફેબ્રુઆરી મહિનામાં બોર્ડ એક્ઝામ અને વેલેન્ટાઈન ડે બંને સાથેસાથે આવ્યા હતા. દદ્દન કાકા મેટ્રિકના બદલે મહોબ્બતને લઈને વધારે નર્વસ હતા

- વિનોદ કુમાર ‘વિક્કી’

ફેબ્રુઆરીનો મહિનો આવતા જ દદ્દન કાકાના ફેફસાં ફડફડાવા લાગે છે. તેમની પર વસંત ભરયુવાનીથી ત્યારે હાવિ થયો હતો, જ્યારે નાનીનાની મૂંછોએ તેમના સવા સો ગ્રામવાળા કુપોષિત ચહેરા પર પોતાની પિચ તૈયાર કરી હતી.

પરંતુ દદ્દન કાકાના લવ પ્લાન્ટ પર લવેરિયાસિસ નામનું એવું ફંગસ લાગ્યું કે પ્રેમનું પાંદડું ક્યારેય ખીલી ન શક્યું. ‘પલભર કે લિએ હમેં પ્યાર કર લે, જૂઠા હી સહી..' દેવાનંદની આ ફિલ્મી પંક્તિમાં ઘોર આસ્થા રાખનાર દર્દન કાકાને આજીવન પ્રેમમાં નિષ્ફળતા જ મળી.

વર્ષ ૧૯૯૫ ની ઘટના છે, જ્યારે ફેબ્રુઆરી મહિનામાં બોર્ડ એક્ઝામ અને વેલેન્ટાઈન ડે બંને સાથેસાથે આવ્યા હતા. દદ્દન કાકા મેટ્રિકના બદલે મહોબ્બતને લઈને વધારે નર્વસ હતા. બોર્ડ એક્ઝામ દરમિયાન વેલેન્ટાઈન ડેના દિવસે દદ્દન કાકાએ હિંમત કરીને પોતાની સહાધ્યાયી શકુંતલાને ફૂલ આપ્યું. પછી શકુંતલાના ભાઈ અને પૂજ્ય પિતાએ ફૂલના બદલે જે તેમના પિછવાડો ફુલાવ્યો કે બેસીને બોર્ડના બાકી પેપર આપવાની હાલતમાં ન રહ્યા.

મેટ્રિક અને પ્રેમ બંનેમાં ફેલ દર્દન કાકાને ક્યારેય મહબૂબા ન મળી અને ક્યારેય વેલેન્ટાઈ ડે પર પ્રપોઝ કરવાની હિંમત કરી તો ક્યારેક છોકરીના ઘરવાળા, ક્યારેક સંસ્કૃતિ બચાવનારા તો ક્યારેક બજરંગ દળવાળાએ પ્રેમનું પોસ્ટમાર્ટમ અને પંચનામું સાથેસાથે કરી દીધું.

સમય વીતતો ગયો. દદ્દન કાકા પરિણય સૂત્રમાં બંધાઈ ગયા, પરંતુ પ્રેમ સૂત્રને આજ સુધી ગાંઠ નહોતી લાગી શકી. પછી એક દિવસ કોઈએ દદ્દન કાકાને સોશિયલ મીડિયાની અસીમ ઊર્જાનો બોધ કરાવ્યો કે કેવી રીતે ફેસબુક પર થતા પ્રેમના લીધે સાત સમંદર પારની સુંદરી ભારત આવે છે. કેવી રીતે ભિખારીનું ગીત રાતોરાત વાયરલ થઈ જાય છે. કેવી રીતે સોશિયલ મીડિયાના લીધે ફિલ્મ હિટ અને ફ્લોપ જાય છે.

પછી શું હતું, દદ્દન કાકાએ ઉધાર લઈને ફેબ્રુઆરીના પહેલા અઠવાડિયે એક ધાંસુ સ્માર્ટફોન ખરીદી લીધો. દારૂ અને નમકીનના પ્રોમિસ પર મહોલ્લાના લોંડોની મદદથી ડેશિંગ ડેવિડ' નામથી પોતાનું ફેસબુક એકાઉન્ટ બનાવી લીધું.

દર્દન કાકા ઉદાર દિલવાળા ખર્ચાળ છે, પણ તે દિવસે કોણ જાણે શું થયું કે એફબી એકાઉન્ટ બનાવ્યા પછી છોકરાઓને બીડી સુધ્ધાના પૈસા આપ્યા વિના દુત્કારીને ભગાડી દીધો.