ഓർമകളുടെ ഭാർഗവീനിലയം

പ്രേതത്തിന് വെളുത്ത വസ്ത്രം അണിയിച്ച ആദ്യ സിനിമ ഭാർഗവീ നിലയമാണ്. പിന്നീടങ്ങോട്ട് മലയാളത്തിലെ മിക്ക പ്രേത സിനിമകളും ഭാർഗവീനിലയം വരച്ചുവെച്ച വരകളിലൂടെ മുന്നോട്ട് പോയി

- ബിജു രാഘവൻ

പുറത്തിറങ്ങി ആറു പതിറ്റാണ്ട് കഴിഞ്ഞിട്ടും ഇന്നും മലയാളത്തിലെ ഏറ്റവും മികച്ച പത്ത് സിനിമകളിൽ ഒന്നായി പ്രേക്ഷകർ തിരഞ്ഞെടുക്കുന്ന ചിത്രം. ഇന്ത്യൻ സിനിമയിൽ മറ്റൊരു ഭാഷയിലും ലഭിക്കാത്ത അംഗീകാരം പ്രേക്ഷകരുടെ മനസ്സിൽ മലയാളത്തിന്റെ ഭാർഗവീ നിലയത്തിനുണ്ട്. ആ പേരുപോലെ തന്നെ നിലനിൽക്കുന്ന നിത്യവിസ്മയം.