വാർമുകിലേ...വാനിൽ

 “രവീന്ദ്രൻ മാഷിനൊപ്പമുളള ഓരോ പാട്ടുകളും ഓരോ അനുഭവങ്ങളായിരുന്നു. എത്ര പറഞ്ഞാലും തീരാത്ത ഓർമകൾ, കെ.എസ്.ചിത്രയുടെ വാക്കുകൾ

രവീന്ദ്രൻ മാസ്റ്ററുടെ റെക്കോർഡിങ്ങിന് പുറപ്പെടുമ്പോൾ ഞാൻ അകമഴിഞ്ഞ് പ്രാർത്ഥിക്കാറുണ്ട്; അദ്ദേഹത്തിന്റെ ഈണത്തോട് പരമാവധി നീതി പുലർത്താൻ കഴിയണേ എന്ന്. നമ്മൾ പ്രതീക്ഷിക്കുന്ന റൂട്ടിലൂടെയാവില്ല പലപ്പോഴും ആ ഈണങ്ങളുടെ സഞ്ചാരം. ഞങ്ങൾ ഒരുമിച്ച പാട്ടുകൾ ഓരോന്നും ഇപ്പോഴും ഓർമയിലുണ്ട്: പുലർകാല സുന്ദര സ്വപ്നത്തിൽ (ഒരു മെയ്മാസ പ്പുലരിയിൽ), കാർമുകിൽ വർണ്ണന്റെ മൗലിയിൽ (നന്ദനം), പാടീ തൊടിയിലേതോ (ആറാം തമ്പുരാൻ), ചീരപ്പൂവുകൾ (ധനം), ഘനശ്യാമ മോഹന (കിഴക്കുണരും പക്ഷി), എന്തിനായ് നിൻ (മിഴി രണ്ടിലും), വാർമുകിലേ (മഴ)...മരണം വരെ എന്നോടുള്ള വാത്സല്യം അദ്ദേഹം കൈവിട്ടില്ല.