വാക്കുകളുടെ വിസ്മയം

“ശ്രീകുമാരൻ തമ്പി ശുണ്ഠിക്കാരനാണെന്ന് പലരും പറഞ്ഞിട്ടുണ്ട്. എന്നാൽ ലൊക്കേഷനിൽ തമാശ പറയുന്ന തമ്പിസാറെ ഞാൻ കണ്ടിട്ടുണ്ട് – വിധുബാല 

മലയാളസിനിമയുടെ ഒരു സുവർണകാലഘട്ടമായിരുന്നു, 1960 മുതൽ 1980 വരെ. കേൾക്കാൻ ഇമ്പമുള്ള ഒരുപാട് അനശ്വരഗാനങ്ങളുണ്ടായ കാലം. കുറെ ഗാനങ്ങളിൽ എനിക്ക് പാടി അഭിനയിക്കാനുള്ള ഭാഗ്യം ലഭിച്ചിട്ടുണ്ട്. അവയിൽ മിക്കതും ശ്രീകുമാരൻ തമ്പിസാർ എഴുതിയതായിരുന്നു. എന്റെ സിനിമാജീവിതയാത്രയിൽ ആ ഗാനങ്ങളെന്നും കൂടെയുണ്ട്. ചെമ്പകത്തൈകൾ പൂത്ത പിന്നെ, എക്കാലവും ജാനകിയമ്മയുടെ പ്രിയപ്പെട്ട പാട്ടുകളിലൊന്നായ “മലർക്കൊടിപോലെ' എന്ന താരാട്ടു പാട്ട്, വിഷുക്കണി'യിലെ പാട്ടുകൾ... മലയാളസിനിമാഗാനശാഖയിൽ ഈ പാട്ടുകളൊക്കെ ഒഴിവാക്കിക്കൊണ്ടൊരു ചരിത്രം എഴുതാനാവില്ല. എന്നെക്കുറിച്ച് എഴുതിയതു പോലെയുള്ള പാട്ടുകളുമുണ്ട്, അക്കൂട്ടത്തിൽ, വിധുമുഖീ നിൻ ചിരി കണ്ടുണരും... എന്റെ പേരുവെച്ചുതന്നെ എഴുതിയതാണത്. ഇതുപോലൊരു വലിയ മനുഷ്യന്റെ കൂടെ പ്രവർത്തിക്കാൻ കഴിഞ്ഞതിൽ, അതീവസന്തോഷവതിയാണ് ഞാൻ.