കുഞ്ചമൻ പോറ്റിയുടെ യുഗാരംഭം

രാഹുൽ സദാശിവൻ എന്ന സംവിധായകന്റെ അടയാളപ്പെടുത്തൽ കൂടിയാണ് ഭ്രമയുഗം. റെഡ് റെയിൻ, ഭൂതകാലം എന്നീ സിനിമകൾക്കു ശേഷം രാഹുൽ ചെയ്ത സിനിമ കൂടിയാണിത്. തന്റെ മൂന്നാമത്തെ സിനിമയ്ക്കു വേണ്ടി എടുത്ത പരിശ്രമം ചെറുല്ല. അത് ആ സിനിമയിൽ കാണാനുമുണ്ട്. കഥയിലും കഥാപാത്രങ്ങളിലും ഒരു കോംപ്രമൈസും ചെയ്യാത്ത സംവിധായകനാണെന്ന് അദ്ദേഹം തെളിയിച്ചു കഴിഞ്ഞു. ഭ്രമയുഗത്തെ കുറിച്ച് മമ്മൂട്ടിയുടെ വാക്കുകൾ...

- ബി.വി. അരുൺ കുമാർ

സിനിമകൾ ഇല്ലാത്ത കാലത്തെ കഥ. മമ്മൂട്ടി എന്ന നടനിൽ നിന്നും നമ്മൾ പ്രതീക്ഷിക്കുന്നതിലും അപ്പുറം ഒരു അഭിനയം. ഇതാണ് ഭ്രമയുഗം എന്ന സിനിമയെ വിശേഷിപ്പിക്കാനാവുക, തിരക്കഥയുടെ ആദ്യ ആഖ്യാനത്തിന് ശേഷം തന്നെ മമ്മൂട്ടി ഭ്രമയുഗത്തോട് യെസ് പറയുകയായിരുന്നു. ഭ്രമയുഗം ഒരു ബ്ലാക്ക് ആൻഡ് വൈറ്റ് സിനിമയായിരിക്കും. രണ്ട്, മറ്റൊരു കാലഘട്ടത്തിന്റെ പശ്ചാത്തലത്തിൽ കഥ പറയുന്ന സിനിമ. മൂന്ന്, തീർത്തും വ്യത്യസ്തമായൊരു കഥാപാത്രത്തെയായിരിക്കും മമ്മൂട്ടി അവതരിപ്പിക്കുക. സംവിധായകൻ രാഹുൽ സദാശിവൻ ഇക്കാര്യങ്ങളെല്ലാം വിവരിച്ചപ്പോൾ തന്നെ മമ്മൂട്ടി ആ കഥാപാത്രത്തെ മനസിൽ ആവാഹിച്ചു കഴിഞ്ഞിരുന്നു. പരീക്ഷണങ്ങളോട് എപ്പോഴും തുറന്ന മനസ്സുള്ള താരത്തെ ആകർഷിച്ചതും ഇതു തന്നെ.

കുഞ്ചമൻ പോറ്റിയാകാൻ മമ്മൂട്ടി തീരുമാനിച്ചത് ഭ്രമയുഗം ടീമിന് മാത്രമല്ല, സിനിമ മേഖലയിലെ മറ്റുള്ളവർക്കും സർപ്രൈസ് ആയിരുന്നു. ചിത്രത്തിലെ ഒരു പ്രധാനകഥാപാത്രമാക്കണ്ടിയിരുന്ന ആസിഫ് അലി അടുത്തിടെ ഒരു അഭിമുഖത്തിൽ പറഞ്ഞത്, ഈ ചിത്രത്തിനോട് മമ്മൂട്ടി സമ്മതം മൂളും എന്ന് കരുതിയിരുന്നില്ല എന്നായിരുന്നു.

(ബ്ലാക്ക് ആൻഡ് വൈറ്റ് മോഡിലാണ് ചിത്രം പ്രേക്ഷകർക്കു മുന്നിൽ എത്തിയെന്നതുതന്നെ മറ്റൊരു നവ്യാനുഭവമാണ്. ഒരുപക്ഷേ പുതുതലമുറ പണ്ടത്തെ ബ്ലാക്ക് ആൻഡ് വൈറ്റ് ചിത്രം കണ്ടിരിക്കില്ല. പറഞ്ഞു കേട്ടുള്ള അറിവുകൾ മാത്രമേ അവർക്കുണ്ടാകൂ. എന്നാൽ അതിലെ കഥാപാത്രങ്ങളെല്ലാം തന്നെ യുവതലമുറയുമായി അടുത്തു നിൽക്കുന്നവരാകുമ്പോൾ പറഞ്ഞറിയിക്കാനാകില്ല. ആ സന്തോഷം. മലയാളം ഹൊറർ സിനിമകളുടെ പതിവ് രീതികളൊന്നുമല്ല ഭ്രമയുഗത്തിന്. ബ്ലാക്ക് ആൻഡ് വെറ്റ് കാഴ്ചകൾ കാണികളുടെ മനസ്സിൽ ഭയത്തിന്റെ വിത്തുപാകുന്നുണ്ട്. കഥ പറഞ്ഞുപറഞ്ഞ് പറഞ്ഞ് കാണികളെ സമ്മർദത്തിലേക്ക് വലിച്ചിടുകയാണ്. ആദ്യത്തെ ഇരുപതു മിനിറ്റു കൊണ്ട് കാണികളുടെ മനസ്സ് കഥാകൃത്ത് ഭയപ്പെടാൻ പാകത്തിൽ ഉഴുതുമറിച്ചിടുന്നു. പിന്നീടങ്ങോട്ട് കാണികൾ ഒന്നും ചിന്തിക്കേണ്ടി വരുന്നില്ല. ഇരുട്ടിലും വെളിച്ചത്തിലും തോരാതെ പെയ്യുന്ന മഴയിലുമൊക്കെയായി കാണികളും കഥാപാത്രങ്ങൾക്കൊപ്പം പോവുകയാണ്.