കുഞ്ഞ് വളരുന്നുണ്ടോ?

കുഞ്ഞുങ്ങളുടെ വളർച്ചയുടെ ഘട്ടങ്ങൾ, ഒരു വയസ്സുവരെ

- രശ്മി മോഹൻ എ. ചൈൽഡ് ഡെവലപ്മെന്റ് തെറാപിസ്റ്റ് എസ്.യു.ടി. ആശുപത്രി പട്ടം, തിരുവനന്തപുരം

കുട്ടികളുടെ വളർച്ചയെ പ്രധാനമായും നാലായി തരം തിരിക്കാം: ലപേശി വികാസം (Gross Motor), സൂക്ഷ്മ പേശി വികാസം (Fine mo tor), ഭാഷാ വികാസം (Language), സാമൂഹിക വികാസം (Social).

1 മാസം

കുഞ്ഞിക്കണ്ണ് ചിമ്മി തുറക്കുമ്പോൾ എപ്പോഴും കാണുന്ന അമ്മയുടെ പുഞ്ചിരിക്കുന്ന മുഖം കുഞ്ഞോമനകൾക്ക് സന്തോഷവും പ്രതീക്ഷയും നൽകുന്നു.

 കറുപ്പും വെളുപ്പും ഇടകലർന്ന (Zebra lines) നിറത്തിലുള്ള മാതൃകകൾ ഉണ്ടാക്കി 8 ഇഞ്ച് അകലത്തിൽ കുഞ്ഞിനെ കാണിക്കുക.

കുഞ്ഞിന്റെ മുഖത്തോട് മുഖം നോക്കി അമ്മ സംസാരിക്കുകയോ പാടുകയോ ചെയ്യുക (താരാട്ട് പോലെയുള്ള ഇമ്പമുള്ള ശബ്ദങ്ങൾ കുഞ്ഞിന് ഇഷ്ടമാകും).

2 മാസം

കുഞ്ഞ് ചിരിക്കാൻ ആരംഭിക്കുന്നു

അമ്മയുടെ മുഖം തിരിച്ചറിയാൻ തുടങ്ങുന്നു.

കുഞ്ഞിനെ അമ്മയുടെ മുഖത്തിനഭിമുഖമായി പിടിച്ചശേഷം കളിപ്പിക്കുകയോ ചിരിപ്പിക്കുകയോ ചെയ്യുക

 ആകർഷകമായ ചിത്രങ്ങൾ ഭിത്തിയിൽ പതിപ്പിക്കുക.

നിറമുള്ള തുണിയോ കളിപ്പാട്ടങ്ങളോ 8 ഇഞ്ച് അകലത്തിൽ കാണിക്കുക

 3 മാസം

കുഞ്ഞ് കിടക്കുമ്പോൾ അല്പം മുകളിലായി കളിപ്പാട്ടങ്ങൾ കാണിച്ചുകൊടുക്കുകയും കൺമുന്നിലൂടെ അവ ഒരു വശത്തു നിന്നും മറുവശത്തേക്ക് മാറ്റുകയും ചെയ്യുക. ഇങ്ങനെ ചെയ്യുമ്പോൾ കുഞ്ഞ് അത് പിന്തുടരുന്നുണ്ടോ എന്ന് ശ്രദ്ധിക്കുക

ശബ്ദം കേൾക്കുന്ന ഭാഗത്തേക്ക് നോക്കുക

സ്വന്തം കൈകൾ മാറിമാറി നോക്കുക

കമഴ്ത്തി കിടത്തുമ്പോൾ തലയും നെഞ്ചും ഉയർത്താൻ കുഞ്ഞ് ശ്രമിക്കുന്നു

പലതരത്തിലുള്ള ശബ്ദങ്ങൾ കുഞ്ഞിന്റെ ഇരുവശത്ത് നിന്നും കേൾപ്പിക്കുക