વન્ય પ્રાણીઓ માટે કૃત્રિમ પીવાના પાણીના સ્ત્રોત

> ગિરના વન્ય પ્રાણીઓ બળબળતા તાપમા 4 51 કૃત્રિમ પીવાના પાણીના સ્ત્રોત દ્વારા તરસ છીપાવે છે > ગિરમાં 167 જેટલા કુદરતી પીવાના પાણીના સ્ત્રોત પણ આવેલા છે > સૌર ઉર્જા, પવન ઊર્જા અને ટેન્કર દ્વારા કૃત્રિમ પીવાના પાણી પોઇન્ટ ભરવામાં આવે છે જા > ગરમીમાં ઠંડકના અહેસાસ માટે સાબર, જંગલી ભૂંડ જેવા પ્રાણીઓ માટે માંદણા પણ બનાવવામાં આવેછે > 2000 થી વધુ કીટકો ની પ્રજાતિને પાણી પૂરું પાડવા માટે શણના કોથળા પણ મૂકવામાં આવ્યા > ગિરમાં વન્ય પ્રાણીઓને પીવાના પાણી માટે વન વિભાગનું સરસ વ્યવસ્થાપન

ગિરના જંગલમાં કુદરતી પાણીના સ્ત્રોતોનું અસમાન રીતે વિતરણ થયેલું છે. જેથી વન્ય પ્રાણીઓને ઉનાળામાં તરસ છીપાવવા માટે ભારે રખડપટ્ટી કરવી પડતી હોય છે. પરંતુ વન વિભાગે એ વન્ય પ્રાણીઓના પીવાના પાણી માટે ૪૫૧ જેટલા કૃત્રિમ પીવાના પાણીના સ્ત્રોત ઊભા કરેલા છે. ઉપરાંત સાબર, જંગલી ભૂંડ જેવા પ્રાણીઓને ઠંડકના એહસાસ માટે માંદણા પણ વનવિભાગ દ્વારા બનાવવામાં આવ્યા છે. આ મોટાભાગના કૃત્રિમ પીવાના પાણી સ્ત્રોત સૌરઉર્જા અને પવનઊર્જાના માધ્યમથી ભરવામાં આવે છે.

સૌરાષ્ટ્ર વિસ્તારમાં સ્થિત ગિરનું જંગલ સુકા પાનખર પ્રકારનું જંગલ છે. આ અનન્ય ઈકો સિસ્ટમ સમૃદ્ધ જૈવ વિવિધતા ધરાવે છે. ગિરનાર જંગલમાં ૪૧ પ્રજાતિના સસ્તન પ્રાણીઓ, ૪૭ પ્રજાતિના સરીસૃપ, ૩૩૮ પ્રજાતિના નિવાસી અને યાયાવાર પક્ષીઓ તેમજ ૨૦૦૦ થી વધુ પ્રજાતિના કીટકો વસવાટ કરે છે.

ગિરનું જંગલ શેત્રુંજી હિરણ શિંગોડા મચ્છુદ્રી, રાવલ, ઘોડાવડી અને ધાતરડી જેવી મહત્વની નદીઓનો ઉદગમ સ્થાન છે. ગિરની જીવાદોરી ગણાતી આ નદીઓ જુદી જુદી દિશામાં વહે છે. આ નદીઓ અને જળાશયો વિશાળ કેચમેંટ વિસ્તાર ધરાવે છે.