ரசிகர்களை திருப்திப்படுத்த வேண்டும்!! - கீர்த்தி ஷெட்டி

வாரியார் படத்தின் மூலம் தமிழ் திரை உலகில் அடி எடுத்து வைக்கும் கீர்த்தி ஷெட்டி, அடுத்து சூர்யா ஜோடியாக 'வணங்கான்' மூலம் தமிழில் நேரடியாக களமிறங்குகிறார். அவருடன் ஒரு பேட்டி.

- திருமகன்

தமிழில் உங்கள் அறிமுகம் குறித்து.....? பல ஆண்டுகளுக்கு முன்பு இயக்குனர் லிங்குசாமியின் ‘பையா’ படத்தைப் பார்த்து நான் ரசித்த ஒரு இயக்குனர் அவர். அவரது கதாநாயகிகள், தனித்துவமான கதாபாத்திரங்களாக இருக்கும்.கதாநாயகியாக வருகிறவர்களுக்கு நடிப்பதற்கான வாய்ப்புகள் அதிகம் இருக்கும். அவரிடமிருந்து அழைப்பு வந்ததும் நான் மிகவும் உற்சாகம் அடைந்தேன்.

'வாரியர்' படத்தின் கதையைக் கேட்டதும் உடனே அவரது படத்தில் நடிக்க ஓகே சொல்லிவிட்டேன்.

இயக்குனர் லிங்குசாமி தனக்கு என்ன வேண்டும் என்பதில் எப்போதும் 

தெளிவாக இருப்பார்.

அவர் உணர்ச்சிகளை வெளிப்படுத்தும் விதத்தைப் பார்த்து நாம் எளிதில் அதை கற்றுக் கொள்ள முடியும்.

டயலாக் டெலிவரி எப்படி இருக்க வேண்டும் என்பது உட்பட அனைத்தும்அவருக்குத் தெரியும்.

அதோடு தமிழையும் கற்றுக் கொள்ளத் தொடங்கியதால் எனது கேரக்டருக்கு ஏற்ப உதடுகளை அசைப்பது எனக்கு மிகவும் எளிதாக இருந்தது.