ஒரு தெக்கன் தள்ளு கேஸ் - மலையாளம்

கடலோர குக்கிராமத்தில் இருக்கும் அந்த லைட் ஹவுஸில் ஏறி நின்று பார்த்தால், இடதுபக்கம் கடற்கரையும், வலது பக்கம் ரெயில் பாதையும் தெளிவாகத் தெரியும். தொலைதூர கப்பலுக்கு வெளிச்சம் தரும் அந்த கலங்கரை விளக்கத்தின் காவலன் தான் அம்மிணி.

ஊரிலேயே பெரிய கை, யாராக இருந்தாலும் அவருக்கு சலாம் போட்டுத் தான் செல்வார்கள். உள்ளூர் மக்கள் மத்தியில் தனி மரியாதை எப்போதும் அவருக்கு உண்டு.

அம்மிணியின் மனைவி ருக்மணியும், பக்கத்து வீட்டு வசந்தியும் அக்கா, தங்கை போல நெருக்கமான பழக்கமுடையவர்கள். வசந்தியும், பொடியனும் இரவில் யாருக்கும் தெரியாமல் ரகசியமாக சந்தித்துக் கொள்ளும் வழக்கம் உண்டு.

ஒதுக்குப்புறமாய் இருக்கும் ஒத்த வீட்டுக்காரி தெருவில் நடந்தால் ஆண்களின் கண்கள் அவளை மேயும். ஆனால், அவளுக்கு என்னவோ அம்மிணியைப் பார்த்தால் ஒரு கிறக்கம்.