பெண்கள் மீதான வன்முறை திகரிப்பதேன்?

பெண்களை தெய்வமாக போற்றும் தமிழ்நாட்டில் பெண்களுக்கெதிரான குற்றங்கள் பெருகிவருகின்றன. இந்திய ஒன்றிய அளவில் அவர்களுக்கெதிரான அதிக குற்றங்கள் இங்குதான் நடக்கின்றன என்று நாடாளுமன்றத்தில் அமைச்சர் ஸ்மிருதி இரானி சொல்ல, நல்லோர் பலரும் துடித்துப்போய் இருக்கின்றனர்.

- நெல்லை பரிதி

ஒன்றிய அமைச்சரவையில் அவர் அளித்த புள்ளி விவரங்களின்படி தமிழ்நாடு, கேரளா, கர்நாடகா உட்பட 36 மாநிலங்கள் மற்றும் ஒன்றியப் பிரதேசங்களில் பெண்களுக்கு எதிராக 2020ம் ஆண்டில் 3,71,503 குற்றங்கள் நடந்துள்ளன. அவை, 2021ம் ஆண்டில் 4,28,278 குற்றங்களாக அதிகரித்துள்ளன.

தமிழகத்தைப் பொறுத்தவரை 2019ல் பெண்களுக்கு எதிரான மொத்த குற்றங்கள் 5,934-ஆக இருந்த நிலையில், 2020ல் 6,630 ஆகவும், 2021ல் மேலும் அதிகரித்து 8,501 ஆகவும் உயர்ந்துள்ளதாக புள்ளிவிவரங்கள் குறிப்பிடுவதாக அவர் கூறியுள்ளார். அதற்கேற்ப, தினமும் சராசரியாக நான்கைந்து சம்பவங்கள் இங்கு நடந்துகொன்டிருக்கின்றன.