രണ്ടാം വരവ്

ട്രെൻഡി നിറങ്ങൾ, മികച്ച ഫിനിഷ്, കസ്റ്റമൈസ്ഡ് ഡിസൈൻ... രണ്ടാം വരവിൽ സ്റ്റീൽ അലമാര വേറൊരു ലെവലാണ്!

പെട്ടെന്ന് ഒന്നും അംഗീകരിക്കുന്ന തരക്കാരല്ല മലയാളികൾ. എന്നാൽ കാമ്പുണ്ടന്നു തോന്നിയാൽ തള്ളിക്കളയുകയുമില്ല. സ്റ്റീൽ അലമാരയ്ക്ക് നമ്മുടെ മനസ്സിൽ എപ്പോഴും സ്ഥാനമുള്ളത് അതിന്റെ ഈടും ഗുണമേന്മയും കൊണ്ടാണ്. എന്നിട്ടും സ്റ്റീൽ അലമാരകൾക്ക് ഇൻബിൽറ്റ് കബോർഡുകളുടെ പകിട്ടിനു മുന്നിൽ അടിയറവു പറയേണ്ടിവന്നു. കാഴ്ചയിൽ പ്ലൈവുഡും വിവിധ ബോർഡുകളും നൽകുന്ന അതേ പൂർണതയോടെ തിരിച്ചു വരവു നടത്തി വിപണി തിരിച്ചു പിടിക്കാൻ ശ്രമിക്കുകയാണ് സ്റ്റീൽ അലമാരകൾ.

അരികുകൾ ഉരുണ്ട, ഫിനിഷ് കുറഞ്ഞ, അടയ്ക്കുമ്പോഴും തുറക്കുമ്പോഴും കാതടിപ്പിക്കുന്ന ശബ്ദമുണ്ടാകുന്ന പഴയ സ്റ്റീൽ അലമാരകൾക്കു വിട. ഇഷ്ടമുള്ള ഡിസൈനിലും നിറത്തിലും ഉള്ള അലമാരകൾ വീട്ടിൽ കൊണ്ടുവന്ന് സെറ്റ് ചെയ്യുന്നതാണ് പുതിയ രീതി. ആവശ്യമുള്ളയത്ര വാതിലുകളോടും ഉള്ളറകളോടും കൂടിയ അലമാരകൾ വീട്ടിൽ കൊണ്ടുവന്ന് കൂട്ടിച്ചേർക്കാം. പഴയ രീതിയിൽ റെഡിമെയ്ഡ് അലമാര വാങ്ങാനാണ് താൽപര്യമെങ്കിൽ അതുമാകാം. മികച്ച ഫിനിഷുള്ള റെഡിമെയ്ഡ് അലമാരകളും ലഭ്യമാണ്.

വെൽഡഡ് റെഡിമെയ്ഡ് അലമാര

പണ്ട് ഉണ്ടായിരുന്ന റെഡിമെയ്ഡ് സ്റ്റീൽ അലമാരകൾ ഇപ്പോ ഴുമുണ്ടെങ്കിലും അതിനു പുതിയ മുഖവും ഫിനിഷുമാണ്. വെൽഡഡ് മോഡൽ എന്നാണ് അത്തരം അലമാരകളെ വിളിക്കുന്നത്. പണ്ടത്തെ വെൽഡ് അലമാരകളുടെ അരികുകൾ ഉരുണ്ടതായി രുന്നെങ്കിൽ ഇപ്പോഴത്തേതിന്റേത് . ആകൃതിയിലാണ്. പുതിയ ഇന്റീരിയറുകളോടു ചേരുന്ന വിധത്തിൽ മിനിമലിസ്റ്റിക് ആക തിയും ഡിസൈനുമാണ് ഇത്തരം വെൽഡ് അലമാരകൾക്ക് പ്രീമിയം, നോർമൽ എന്നിങ്ങനെ രണ്ട് വിഭാഗങ്ങളിലായി ധാരാളം മോഡലുകൾ ഉണ്ട്. ഒന്ന്, രണ്ട് മൂന്ന് വാതിലുകളോടു കൂടി ലഭിക്കും.

പൂർണമായും കസ്റ്റമൈസ്ഡ്