സ്വത്തു കൈമാറാം കുറഞ്ഞ ചെലവിൽ, എളുപ്പത്തിൽ

ജീവിതകാലം മുഴുവൻ അധ്വാനിച്ചുണ്ടാക്കിയതും പാരമ്പര്യമായി കിട്ടിയതും ആയ എല്ലാ സ്വത്തുക്കളും നാം ആഗ്രഹിക്കുന്നവരുടെ കയ്യിൽ സുഗമമായി എത്തിച്ചേരാനുള്ള ഏറ്റവും ചെലവു കുറഞ്ഞ വഴിയാണു വിൽപത്രം.

- ജയരാജ് പയസ് അഡ്വക്കറ്റ്, ഹൈക്കോടതി, കേരള

സ്വത്ത് അനന്തരാവകാശികൾക്കു കൈമാറാനുള്ള ഏറ്റവും നല്ല മാർഗം വിൽപത്രം ആണെന്നു പറയുന്നത് എന്തുകൊണ്ട്?

 ഒരു വ്യക്തിയുടെ സ്ഥാവരജംഗമ സ്വത്തുക്കൾ സ്റ്റാംപ് ഡ്യൂട്ടി ഇല്ലാതെ, അയാൾക്ക് ഇഷ്ടമുള്ളവർക്കു ലഭിക്കത്തക്കവിധം കൈമാറാൻ ഏറ്റവും എളുപ്പമുള്ള മാർഗമാണ് വിൽപത്രം. എഴുതുന്നയാളുടെ (Testator) കാലശേഷം മാത്രമേ വിൽപത്രം പ്രാബല്യത്തിൽ വരികയുള്ളൂ എന്നതാണ് ഇതിന്റെ മെച്ചം. മാത്രമല്ല, ആ വ്യക്തിക്ക് എപ്പോൾ വേണമെങ്കിലും താൻ എഴുതിവച്ച വിൽപത്രം റദ്ദു ചെയ്യാം, തിരുത്താം, കൂട്ടിച്ചേർക്കലുകൾ നടത്താം. സ്വത്തു കൈമാറ്റത്തിലെ മറ്റു രീതികളിൽ ഇതൊന്നും സാധ്യമല്ല.

 ഒരു വിൽപത്രത്തിൽ തന്നെ ഒന്നിൽ കൂടുതൽ പേർക്ക് അവകാശം ലഭിക്കത്തക്കവിധം വിൽപത്രം എഴുതാവുന്നതുമാണ്.

വിൽപത്രം എഴുതാനുള്ള ചെലവ് എത്രയാണ്? സാധാരണഗതിയിൽ വിൽപത്രം എഴുതുന്നതിനു ചെലവൊന്നും ആവശ്യമില്ല. വിൽപത്രം റജിസ്റ്റർ ചെയ്യുന്നുണ്ടെങ്കിൽ റജിസ്ട്രേഷൻ ഫീസ് മാത്രം മതിയാകും.

വിൽപത്രത്തിലൂടെ എഴുതിവയ്ക്കാവുന്ന സ്വത്തിനു പരിധിയുണ്ടോ?