ബിസിനസിന്റെ ടൈമിങ്ങിലാണു കാര്യം

ബിസിനസിൽ ടൈമിങ് പ്രധാനമാണ്. ഇരുമ്പു പഴുക്കുമ്പോൾ കൃത്യസമയത്ത് അടിക്കണം. കാറ്റുള്ളപ്പോൾ തൂറ്റണം. അല്ലാതെ ഏതെങ്കിലും നേരത്തു പറ്റില്ല.

- പി.കിഷോർ

ചുട്ട അപ്പം പോലെ ടീ ഷർട്ടുകൾ ഇറക്കുന്ന ഒരു കമ്പനിയിൽ പോയി. ലോക കപ്പ് ഫുട്ബോൾ കാലമായതിനാൽ അവർ നെയ്മറുടെയും മെസ്സിയുടെയും റൊണാൾഡോയുടെയും മറ്റു പല താരങ്ങളുടെയും ജഴ്സികൾ അതിവേഗം ഇറക്കിക്കൊണ്ടിരുന്നു. ക്രിക്കറ്റ് ലോകകപ്പോ രാജ്യാന്തര ടൂർണമെന്റോ ഉള്ളപ്പോൾ ക്രിക്കറ്റ് താരങ്ങളുടെ ജഴ്സികളാണ്. ഇതു വർഷം മുഴുവൻ വൻ ബിസിനസാണേ. കളിയനുസരിച്ച് ജഴ്സികളും ടീഷർട്ടിന്റെ പടങ്ങളും മാറുമെന്നു മാത്രം.