റോഡിനനുസരിച്ച് സ്റ്റിയറിങ് തിരിക്കാം വേഗം ലക്ഷ്യത്തിലെത്താം

കേന്ദ്രബാങ്ക് സർക്കാർ നയങ്ങൾ, പണപ്പെരുപ്പം, പലിശനിരക്ക് തുടങ്ങിയവയിലെ മാറ്റങ്ങൾക്കനുസരിച്ചുനിന്ന് നേട്ടമുണ്ടാക്കാൻ സഹായിക്കുന്നവയാണ് ബിസിനസ് സൈക്കിൾ ഫണ്ടുകൾ.

- ആശാലത കെ.ആർ.

വ്യത്യസ്ത ബിസിനസ് സൈക്കിളുകൾ വെല്ലുവിളികൾക്കൊപ്പം മികച്ച അവസരങ്ങൾ കൂടിയാണ് നിക്ഷേപകർക്കു നൽകുന്നത്. സമ്പദ്വ്യവസ്ഥയിലെ ട്രെൻഡുകൾക്കനുസരിച്ച് നിക്ഷേപം പുനഃക്രമീകരിക്കുന്നവയാണ് ബിസിനസ് സൈക്കിൾ തീമാറ്റിക് ഫണ്ടുകൾ, നേട്ടത്തിനുള്ള സാധ്യതകൾ തിരിച്ചറിഞ്ഞ് നിക്ഷേപിക്കാനുള്ള അവസരമാണ് ഇവിടെ നിക്ഷേപകർക്കു ലഭിക്കുന്നത്.

അതേസമയം പലതരം റോഡിലൂടെയുള്ള ഒരു ദീർഘദൂര യാത്രപോലെയാണ് സമ്പദ് വ്യവസ്ഥയെ അറിഞ്ഞുള്ള നിക്ഷേപരീതി. റോഡിന്റെ സ്വഭാവത്തിനനുസരിച്ച് ഡ്രൈവിങ് രീതി മാറ്റേണ്ടിവരും.