પશ્ચિમ બંગાળના સાંસ્કૃતિક મૂલ્યોને પ્રોત્સાહન!

તમામની નજર કોલકાતામાં નિર્માણાધીન પૂર્વ-પશ્ચિમ મેટ્રોને ફાળવવામાં આવેલા ભંડોળ પર છે, જે ભારતની પ્રથમ અંડરવૉટર મેટ્રો હશે, જે આવતાં વર્ષે પૂર્ણ થવાની અપેક્ષા છે

- મુકેશ ઠક્કર

ભારત સરકારના ઘોષિત બજેટમાં પશ્ચિમ બંગાળ માટે ભંડોળ આવ્યું! તેની ઉમદા અસર માળખાકીય પ્રકલ્પો અને મેટ્રો રેલની પ્રગતિમાં જોવા મળશે.

વર્ષ ૨૦૨૩-૨૪ના બજેટમાં મેટ્રો રેલનું કાર્ય આગળ ધપે તેનું ધ્યાન રાખવામાં આવ્યું છે. કોલકાતા મેટ્રો રેલ કોર્પોરેશન લિમિટેડને ફાળવવામાં આવેલી રકમમાં કોઈ ફેરફાર કરવામાં આવ્યો નથી. આ બજેટમાં પણ કેન્દ્રએ ૧૦૦૦ કરોડ રૂપિયા ફાળવ્યા છે. ગત આર્થિક વર્ષમાં ૧૧૦૦ કરોડ રૂપિયા ફાળવવામાં આવ્યા હતા. જેનું બ્રેકઅપ થવાથી રકમ વહેંચાઈ ગઈ છે. મેટ્રો રેલ માટે ૨૪૫૦ કરોડ રૂપિયાની ફાળવણીની જાહેરાત થઈ છે. ગત બજેટમાં મેટ્રો માટે ૧૮૩૮ કરોડની ફાળવણી કરવામાં આવી હતી.

જ્યારે તમામની નજર કોલકાતામાં નિર્માણાધીન પૂર્વ-પશ્ચિમ મેટ્રોને ફાળવવામાં આવેલા ભંડોળ પર છે, જે ભારતની પ્રથમ અંડરવૉટર મેટ્રો હશે, જે આવતાં વર્ષે પૂર્ણ થવાની અપેક્ષા છે. ઉલ્લેખનીય છે, ભારતીય રેલ માટે રૂપિયા ૨.૪ લાખ કરોડનો મૂડી ખર્ચ ફાળવવામાં આવ્યો છે!