કેર ઓફ ટીનેજર્સ

સ્ક્રીન સામે સી આકારે સ્થૂળતાથી બેસી રહેવાની કે પછી વાંકીચૂકી યા સીધી લીટીમાં આડા પડવાની આદતને લીધે કરોડસ્તંભ ’ને કરોડરજ્જુની કામગીરી બગડે છે

- ગૌરાંગ અમીન

બાળપણમાં પાયો ખોદાય 'ને ટીનએજમાં પાયો ઘડાય એ મસ્ટ 

કેટલા વીસે સો થાય એ અનુભવના આકાશમાં ચણાય તે મસ્ત

ટીનેજર શબ્દથી મોટા ભાગના ઍડલ્ટ વાકેફ છે. ટીનેજર અર્થાત્ એક પ્રકારનો માણસ જ જેને મન હોય. કપાળે કપાળે મતિ ભિન્ન હોય તેવું માનીને દરેક મન એવું માને છે કે બધાંનાં મન જુદા મત આપી શકે. છતાં કોમન મિનિમમ પ્રોગ્રામ ચાલતો હોય છે એવું બહુમતીનું તારણ છે, જેને લઈને માનસશાસ્ત્ર માણસના મનનું સંશોધન ’ને વિશ્લેષણ કરવા પ્રયત્ન કરે છે. દરેક જનરેશનમાં ગવાતાં જનરેશન ગેપના ગીતમાં ટીનેજરનો તાલ ખાસ જુદો પડે એટલે ટીનેજરની સાઇકોલૉજીનો આગવો અભ્યાસ થાય છે. સમય ઘણો આગળ વધી ચૂક્યો છે એમ જાણીને હવે ભવિષ્યના નાગરિકની ચર્ચા ઊપડે એટલે જનરલ યુવાન વધુ ’ને વિશિષ્ટ મહત્ત્વ ટીનેજરને આપવામાં આવે છે. બાળકોને ફ્યુચર ટીનેજર તરીકે જોવામાં આવે છે. સરવાળે મુખ્ય બજારના પ્રમુખ પ્રવાહનો સંબંધ ટીનેજરની સાઇકોલૉજી સાથે સીધો કે આડો જોડાય છે. ઘર તેમ જ કુટુંબની આર્થિક ગતિ ‘ને મતદાનનો અધિકાર આ દિશામાં ચિંતન કરવું અગત્યનું છે એવું પ્રૂફ આપે છે. એમાં ઇન્ટરનેટ હથેળીમાં રમતું થયું એ પછી તો ટીનેજરની સાઇકોલૉજી ’ને નોન-ટીનેજરની સાઇકોલૉજી વચ્ચે જે રમત ચાલ્યા કરે છે એ દર્શકની જેમ જોયા કરવામાં ભલીવાર નહીં આવે એ બધાંને ઓછું કે વધારે સમજાતું થયું છે.

એક જ મકાનમાં સાથે રહેતાં હોય છતાં, કૅર ટીનેજર્સ અલગ જ દુનિયામાં વસતા હોય એવું ટૅકર્સને ઘણી વાર લાગે છે. સૌથી પહેલાં તો એ સમજવાનું છે કે અન્ય દરેક વ્યક્તિ એક કરતાં વધુ રીતે પોતાના કરતાં ભિન્ન હોઈ શકે છે. તદુપરાંત દરેકના વ્યક્તિત્વમાં પરિવર્તન આવતું રહે છે. બધાનું પરિવર્તન એક સમય ૫૨ ના થાય ’ને એક સરખું ના થાય. મનુષ્ય એવમ્ મન અમુક ચોક્કસ પ્રકારના બીબામાં તમુક હદ સુધી જ ઢાળી શકાય છે. વળી બીબા નવા બનતાં રહે છે.