ક્યોંકી સાસ ભી કભી બહુ થી.. ધાંય ધાંય..!

આ અઠવાડિયે આવી રહેલી સિરીઝ ‘સાસ બહુ ઔર ફલેમિંગો'માં સાસુ, વહુ, દીકરી બધે બંદૂક ઉપાડીને હૅન્ડિક્રાફટની આડમાં ડ્રગ્સનો બિઝનેસ કરતી જોવા મળશે! ડિમ્પલ કાપડિયા કેન્દ્રીય પાત્રમાં છે.

ઈરફાન ખાનની ત્રીજી પુણ્યતિથિ (૨૯ એપ્રિલ) હતી. એક અફસોસ કાયમ રહેશે કે તેઓ જીવી ગયા હોત તો વધુ ને વધુ જોવા મળ્યા હોત, કારણ કે તેઓ એ સ્તરે પહોંચ્યા હતા જ્યારે તેમને કેન્દ્રમાં રાખીને અવનવા પાત્રો મળવાના શરૂ થયા હતા. જે રીતે ‘ધ ફેમિલી મેન’ના કારણે મનોજ બાજપેઈ મળ્યા, ‘સ્કેમ ૧૯૯૨’ના કારણે પ્રતીક ગાંધી મળ્યા અને ઘણા બધા.. આ બેઉ આપણી પાસે હતા જ, પણ દુનિયાને તેમની પ્રચંડ અભિનય ક્ષમતાનો પરિચય સિરીઝ થકી થયો. આ વિષય બાબતે ફરી ક્યારેક નિરાંતે વાતો કરીશું.