પ્રકૃતિનો આભાર માનવાની આદત વિકસાવવા જેવી છે!

પ્રકૃતિ તો આપણું સૌનું સ્વજન છે, એને વડીલની જેમ આદર આપીએ, એને સાથીની જેમ પ્રેમ કરીએ, એને બાળકની જેમ વ્હાલ કરતા શીખીએ.

- મિલી મેર

વૃક્ષો, પહાડો, સમુદ્ર, ઝરણાં, વાદળો, ફૂલો, પતંગિયાં એવું ગણ્યા ગણાય નહીં, એટલું સૃષ્ટિકર્તાએ આપણા સૌ માટે સર્જન કર્યું છે, પણ એમાં વર્ષાઋતુ આવે એટલે તો એ અગમ અગોચર કલાકાર સોળેકળાએ ખીલી ઊઠે છે. વર્ષાની ધારે ધારે જાણે સઘળું જીવંત થઈ ઊઠે. જયંત પાઠકની પેલી પંક્તિઓ જેમ,

એક લસરકે ઊગી નીકળ્યાં

જંગલ જંગલ ઝાડ;

ટપકે-ટપકે ફૂટી નીકળ્યા

ધરતીપટથી પહાડ!

ઘટ્ટ નીલિમા નરી.

ચિતારે રંગ પ્યાલીઓ ભરી...

અજબ મિલાવટ કરી

ચિતારે રંગ પ્યાલીઓ ભરી!