કવર સ્ટોરી

સ્ટારલિન્કની હરીફ કંપનીઓ કઈ છે?

સ્ટારલિન્કની હરીફ કંપનીઓ પણ ઊભી થઈ છે. જેમાંની એક ‘વનવેબ’ છે. ભારતની એરટેલ કંપનીએ સેટેલાઇટ કોમ્યુનિકેશન્સ માટે વનવેબ સાથે સહયોગ સાધ્યો છે. બીજી એમેઝોનના માલિક જેફ બેઝોસની માલિકીની ‘પ્રોજેક્ટ કાઇપર' નામક કંપની છે. બેઝોસ આ ક્ષેત્રમાં દસ અબજ અમેરિકી ડૉલરનું મૂડી રોકાણ કરી રહ્યા છે, પરંતુ મસ્ક કરતાં ખૂબ પાછળ છે. પ્રોજેક્ટ કાઇપરની સર્વિસ આવતા વરસમાં અમેરિકામાં મળતી થઈ જશે. આ સિવાય વાયાસેટ, એનબીએન સ્કાય મસ્ટર, ટેલિસેટ, એસઇએસ એસ.એ., ઇકોસ્ટાર મોબાઇલ, ટેલિસ્ટ્રા, હ્યુજીસ નેટવર્ક સિસ્ટમ તેમ જ ઇન્મારસેટ સેટ પ્રમુખ છે. આમાંની યુરોપના લક્ઝમબર્ગ સ્થિત એસઇએસ કંપની સાથે સેટેલાઇટ્સ આધારિત અલ્ટ્રાફાસ્ટ બ્રોડબેન્ડ સર્વિસ પૂરી પાડવા માટે મુકેશ અંબાણીની રિલાયન્સ જીઓ દ્વારા સહયોગના કરાર કરવામાં આવ્યા છે. આ સહયોગને જીઓસ્પેસફાઇબર નામ અપાયું છે. જો અર્થ સાથે નામ અપાયું હશે તો ટૅનિકલ રીતે તેમાં સેટેલાઇટ તેમ જ ફાઇબર (કેબલ) નેટવર્કની મિશ્ર સર્વિસ હશે. મોબાઇલ કોંગ્રેસ (આઇએમસી)માં તેની જાહેરાત કરાઈ હતી.