દેશની આ દીકરીઓને આપણે બચાવવી

૨૦૦૨માં આંખે ફિલ્મથી ડિરેક્શનમાં ઝંપલાવનારા વિપુલ અમૃતલાલ શાહનું છેલ્લું સર્જન હતું વેગળા વિષયની વેબ-સિરીઝ હ્યુમન

૨૦૦૨માં આંખે ફિલ્મથી ડિરેક્શનમાં ઝંપલાવનારા વિપુલ અમૃતલાલ શાહનું છેલ્લું સર્જન હતું વેગળા વિષયની વેબ-સિરીઝ હ્યુમન. હવે ધ કેરલા સ્ટોરીથી એમણે ફિલ્મસર્જનના સાવ જુદા જ પ્રાંતમાં પ્રવેશ કર્યો છે. આ ફિલ્મના ક્રિયેટિવ ડિરેક્ટર-પ્રોડ્યુસર વિપુલ શાહ ચિત્રલેખાને આપેલી આ ખાસ મુલાકાતમાં કહે છેઃ ‘અમુક લોકો ઈચ્છે છે કે આ પ્રકરણ બહાર ન આવે. જો એમ થાય તો આ સ્કેમનો ભોગ બનેલી યુવતીઓ સાથે મોટો અન્યાય થશે.’

ચિત્રલેખાઃ આખી વાતની શરૂઆત કેવી રીતે થઈ?

વિપુલ શાહઃ આજથી ત્રણ-સાડા ત્રણ વર્ષ પહેલાં સુદીપ્તો સેન આ સબ્જેક્ટ લઈને આવેલા. સબ્જેક્ટ સાંભળીને તથા આ છોકરીઓની વ્યથા, એમની પીડા અનુભવીને મારું હૃદય દ્રવી ઊઠ્યું. ફાઈલ બંધ કરી ત્યારે મારી આંખમાં પાણી હતાં. મને થયું કે મારે આ વિષય પર ફિલ્મ બનાવવી જ જોઈએ. તરત અમે રિસર્ચ શરૂ કર્યું. કેરળમાં અમે ધર્માંતરણનો, ક્રૂરતાનો ભોગ બનેલી યુવતીઓના, એમનાં માતા-પિતા, જે મળ્યા એમના વિડિયો ઇન્ટરવ્યૂ કર્યા.

સુદીપ્તો સેનના દિમાગમાં આવેલા એક વિચારથી એને નક્કર સ્વરૂપ આપવાના પ્રવાસ વિશે કહેશો?

લગભગ ૧૦૦થી વધારે યુવતીને અમે મળ્યા, એમાંથી મોટા ભાગની ધર્મપરિવર્તનનો શિકાર બનેલી હતી, જે હવે હિંદુ ધર્મમાં પાછી આવી છે. કેવી રીતે એમને ટ્રૅપમાં લેવામાં આવે છે, લગ્ન અને ધર્મપરિવર્તન કરાવ્યા બાદ કટ્ટરવાદીઓનું

અંતિમ લક્ષ્ય શું હોય છે, વગેરે હકીક્ત એમનાં મોઢેથી સાંભળીને અમારાં રૂંવાડાં ઊભાં થઈ ગયાં. બધી વિગત તથા વિડિયો વાતચીતના આધારે અમે કથા-પટકથા લખવા બેઠા, જેમાં લગભગ વરસ લાગી ગયું.. એટલે લગભગ ત્રણ-સાડા ત્રણ વર્ષનો પ્રવાસ રહ્યો.

શરૂઆત ક્યાંથી, કેવી રીતે કરી?