નકલમા પણ રાખો અક્કલ..

આવાં કૂલિંગ યુનિટ લખલૂંટ ઊર્જા વાપરી નાખતાં હોવાથી પર્યાવરણની દૃષ્ટિએ એ હાનિકારક પુરવાર થાય છે.

અમેરિકામાં ભણીને આવેલા સુરેન્દ્ર શાહે ઈન્ડિયા અમેરિકન ઍરકન્ડિશન સિસ્ટમની ભારતમાં પણ કૉપી કરવા માંડેલી. જો કે પછી સુરેન્દ્રભાઈએ એ ભૂલનાં વૈજ્ઞાનિક પાસાં પર ઘણી સમજ આપી. ખાસ તો પાણી અને વીજળીના વેડફાટ અટકાવવાની જરૂરત પ્રત્યે ધ્યાન દોર્યું.

અમેરિકા સમશીતોષ્ણ હવામાનનો દેશ અને ભારતનું હવામાન ઉષ્ણકટીબંધીય. અમેરિકા ઠંડો પ્રદેશ એટલે દરેક ઘરમાં ફર્નેસ આધારિત હીટિંગ સિસ્ટમ હોય. એમાંથી કોઈને વિચાર આવ્યો હશે કે આ જ સિસ્ટમથી કૂલિંગ પણ કરી જોઈએ. ત્યારથી ઍરકન્ડિશનિંગની શરૂઆત થઈ હશે. અમેરિકામાં ઘરો ઈન્સ્યુલેશનવાળાં. દીવાલની ગરમી અંદર ખાસ અનુભવાય નહીં. બીજી તરફ, આપણે ત્યાં આઠ ઈંચની ઈટ-સિમેન્ટની દીવાલ હોય, જે સૂરજની ગરમી શોષીને અંદર ઠાલવે. ટૂંકમાં, ત્યાંની આબોહવામાં કામ આપે એ ટેક્નોલૉજી અહીં ન ચાલે.