કેજરીવાલઃ આ બલિદાન છે કે મજબૂરી?

સર્વોચ્ચ અદાલતના આદેશને પગલે કારાવાસમાંથી છૂટેલા અરવિંદ કેજરીવાલે અદાલતના નિયંત્રણને કારણે જ સત્તાવિહોણા થઈ જતાં મુખ્ય પ્રધાનપદ જતું કરવાનું ઠેરવ્યું તો ખરું, પણ એમની આ ‘કુરબાની’ દિલ્હી વિધાનસભાની આગામી ચૂંટણીમાં બહુમતી મેળવી આપશે?

- હીરેન મહેતા

દિલ્હીની દારૂનીતિમાં કથિત ગેરરીતિના આરોપસર છ મહિના જેટલો સમય જેલમાં વિતાવ્યા પછી બહાર આવતાંવેંત અરવિંદ કેજરીવાલે ધડાકો કર્યો છે. દિલ્હીનું મુખ્ય મંત્રીપદ છોડી દેવાની જાહેરાત સાથે એમણે પાટનગરના મતદારો આગામી ચૂંટણીમાં વિજયી બનાવી પ્રામાણિકતાનું પ્રમાણપત્ર આપે એ પછી ફરી સત્તા પર આવવાનું પણ ઘોષિત કરી દીધું છે. દિલ્હી વિધાનસભાની ૭૦ બેઠકો માટેનું મતદાન એની આવતા માર્ચ મહિનાની નિર્ધારિત મુદત પહેલાં યોજવાની કેજરીવાલે ચૂંટણીપંચને અરજ કરી છે, પરંતુ પંચ એ માટે બંધાયેલું નથી. વળી, મુખ્ય પ્રધાન વર્તમાન વિધાનસભા અત્યારે બરખાસ્ત કરે તો જ પંચ વહેલી ચૂંટણી યોજી શકે અને એ પણ એમની વાત માનવી કે નહીં એ પંચની મુનસફી પર છે.

અરવિંદ કેજરીવાલઃ નજર તો દિલ્હીની ગાદી પર જ છે.